17號.
出show既日子.
本身以為落雨,實會延期先出,結果今日陽光明媚.
唉~林住訓耐d架嘛~
後邊仟仟打電話叫我起身,
我用咗20min搞掂所有嘢,然後去屯門.
之後好匆忙趕去屯門,決定出show之後,我地就練舞+化妝
然後搭西鐵去尖東,
中途天水圍約埋老公仔,嘉儀&子傑.
去到之後,hea咗陣啦..後邊臨出show之前有小小淆底><
不過,演出都算順利既..
第二次出果陣chilee都過咗來支持我,
好開心,第一次咁多好朋友來支持我
之後我地幾個去行街街,食飯..
成11點幾先返到屋企..
今日係同老公仔8個月啦.
8個月快樂！
不過今日同樣係HKYAS既第三次活動.
應該會係最最辛苦既一日啦.
咁宜家等我介紹下我今日既行程啦~
首先,我6點10起咗身,,之後整完一輪,終於系7點2出咗門口,
然後去搭西鐵啦..一開始以為冇位坐,
後邊去到元朗就見到有位啦.超開心超開心,
不過搭搭下車胃痛 超驚自己挨5到今日咯.
好彩後邊冇咩事了.去到都算早到既..
見到d組員之後,點名/..
之後就有個人今日係陪埋我地一齊行既,負責幫我地計分啦.
咁我地就由旺角東開始既。
首先,我地出咗去一個天橋度,我地既第一個任務係系天橋度搵一個途人幫我地唱散紙,
係用¥20,去唱20個¥1.
好彩,搵到既第一個人已經幫我地唱到全部係¥1,¥2,所以好快就完成咗.>>>>>>
本身我地打算去金魚街搵3條金魚既價格,結果可能因為太早啦,所以d店鋪多數都未開,我地give up咗>>>>>>
沿途,我地可以咗呢d活動額外加分：
1,教5個外籍人士講一句廣東話“青年大使幫到我"
2,全組人影一幅貼紙相.
3,自選車牌上分別有H,K,Y,A,S,2,0,1,0既字樣
仲有d好似5記得><
講返個行程先,
我地去咗又一城先,
我發現阿Paul真係好犀利,佢竟然係直接同我地講去到邊一卡係出口位置.
然後帶曬我地過去,佢真係好勁呀∼
之後我地要系又一城搵一個可以有HK特色既手信,拍一段MV，要有故事情節&音樂.
結果我同Sandy分別扮演青年大使&遊客,其他成員都系度唱歌.
然後終於完成咗我地呢個任務啦,>>>>>>>
之後,阿Paul又帶我地行過去紅磡既歷史博物館.
去到之後,佢比咗成堆既歷史事件比我地去排次序,結果我地...哇啦啦..5講咁多啦.
下一站>>>>>>
我地去到天星碼頭,然後分別派3個同學,向3位遊客分別用3種語言,廣東話,普通話&英文詢問時間.
我就負責普通話啦,
都好順利就過到啦.>>>>>>
之後,我地就搭渡海小輪去到中環啦.
搵到立法會大樓,
呢個任務係每個組員搭住膊頭,然後圍住立法會大樓行一圈,
要數埋幾多步.
然後我地就圍住行啦..
結果d路人,遊客&賓賓都囧曬睇住我地..哈哈..
（賓賓系度林,我地坐系度都夠無聊了,你地仲無聊過我地）
結果,我地數出係319步.>>>>>>
然後,我地又行去長江實業中心,
結果要我地成組系裡面既花園度影一張離地相.
我地搵到之後,紛紛爬上去一個平台度,然後影相>>>>>>
之後,我地繼續上山頂,要表演一個節目3min,而且要有遊客拍手,
我地最後對住2個外國遊客唱歌,連續唱3次I LOVE HK VERY MUCH
唱到第三次個遊客都囧曬..好搞笑,
但我地都完成任務.>>>>>>
後來,我地直踩上去香港公園,
去到果度玩一個叫"解手"既遊戲,
系YOYO既幫助下,我地組雖然遲咗隔離組上去,但係都快過佢地呀,
超開心,>>>>>>
之後,組爸話叫的士去上環,衝埋文物廟,
我地去到之後,個任務係要我地搵資料,然後答問題,>>>>>>
Lunch time`
去咗m記.
之後,我地去銅鑼灣,搵咗間嘢,影埋貼紙相,>>>>>>>
去到鵝頸街,然後搵個人出來學人地“打小人”,
不過係打一幅八爪魚既相.>>>>>>
然後,大家投票決定衝埋維多利亞公園既任務,
我都係投支持既,結果我覺得呢個係一個錯誤既決定咯.
我地跑過去跑咗好耐啦.都算啦.
結果佢要我地系最長既石仔路上面,男仔背男仔,女仔背女仔,脫鞋行果個石仔路,
然後調返轉背.我第一次背人,Sandy好驚..
不過我地都係完成咗啦.>>>>>>
然後,我地終於決定入西貢,
然後成組人一起去食一碗『楊枝甘露』
一人一啖∼哈哈∼好快搞掂>>>>>>
之後去埋海鮮街,分別向2位遊客介紹5種有香港特色既海鮮小食,
好彩,即使我地講既5算好好,但係d遊客都話好滿意^^>>>>>>>
然後,我地坐咗一架小巴直入北潭埇.
但係都係得第10名><
算啦,.我覺得我地已經好好架啦.
因為每一個組員都好盡力好盡力想完成任務,
雖然好辛苦,好曬,
但係我地都冇放棄過,一直都堅持住,
我都從來冇林過自己可以跑咁遠咁遠既路,
即使最後冇名次,但今日既活動對於我來講,真係一次好好好好好好好好既體驗呀.
但原來,活動仲未結束架,
休息完之後,大會要我地自己透爐BBQ,
所供應既物資,只有一個爐,炭,3隻火柴,然後冇了...
我真係囧曬咯.連炭精都5比..點透爐呀？
但最後,我地都係成功咗啦,.
成功果一刻,真係超開心超開心.
然後全部人系度BBQ啦,.
本來夜d有個營火會既,
不過鑑於每個人都好攰啦,同埋天氣好熱,最後都係cancel咗,
有小小可惜,不過都算啦,
我都好攰啦！
但今次既活動,真係好有意義,
今日,將會係我人生中一個好難忘既體驗！
|
