我打呢篇野既時間係9月15號既凌晨4點40分

正常係呢個時間我係大教訓緊...

但我真係訓唔著..我掛住妳掛到訓唔著

今晚我真係掛住妳到喊左出來

暑假果陣 妳日日煲劇 唔肯訓教..

但我好多晚都望住妳MSN,等妳off左 我先訓..

但係妳就成日話眼訓 又唔訓 諗起都幾好笑...

我仲記得妳訓唔著既時候 我會同妳sms

就算訓著左 比妳sms嘈醒都覺得好開心

之前我係msn度打"希望妳聽朝可以叫我起身"

妳真係好好 妳第2朝真係叫我起身

但我前一晚太夜訓..所以妳叫完我 我無意間cut左妳線.之後繼續訓

妳就sd左個sms來"cut我線阿你?" 其實我睇完之後覺得開心

因為妳好似在乎,但妳又好似嬲左我咁

之後妳都好好,冇嬲 我仲記得要送返起碼20粒士多啤梨牛奶珍寶珠比妳

我記得有一晚講到我隻狗,妳話搵日陪我一齊放狗

我果陣開心到攬住隻狗發癲..

我記得放榜前專登同妳講話不如鬥高分

輸左請食飯 比個藉口自己請妳食飯

但係前幾日提起時 妳話唔記得時 我係唔開心

不過都算係預料之內

由8月頭開始到而家 雖然冇咩點搵妳..

但係我真係超掛住妳,係真架..

每次電話sms響起 我都抱住希望..但好多次都係失望

我主動搵妳時 唔知點解睇到妳既回覆,我就覺得..我好似煩到妳咁..

所以慢慢開始就唔敢搵妳 但又好想搵妳

其實每次sms比妳 我都諗左好耐..

不過算了..我準備要返工,妳要返學

我諗我以後都會更少搵妳

因為我都知道 妳應該都唔想我搵妳...

唯有每日睇妳xanga 留意下妳

但如果妳搵我既話 我一樣會好開心

由鐘意妳到而家 我都唔記得喊過幾多次..

我知道我唔可能同妳一齊,因為妳身邊咁多比我好好多既男仔

但我覺得只要可以同妳傾下計 了解下妳..妳開心 我就開心

之前有個朋友問我有咩決定 其實我真係想等妳

我真心真心想等妳...

但係妳一次又一次既表示 我真係好唔開心.好難受

可以既話我唔想咁樣..

但都係算了..可能咁樣對妳來講比較好

反正我人咁差,妳身邊好多有錢仔,靚仔..

排隊都未排到我..

可能我係妳人生中 只係其中一個追求者

但妳係我人生中第二個我鐘意既女仔

我真心真心真心鐘意既女仔

從前從前 有個人愛妳很久 但偏偏 風漸漸 把距離吹得好遠

算啦,打到呢度..

再打我驚我喊到收唔到聲

妳加油啦 祝妳可以升到大學!

 今日一早返到祈禱會~

雖然遲到 但一陣就投入哂 好感動!

第一次聽到人喊到咁大聲 果個就係samuel 雖然唔熟 但佢真係喊到全場都聽到

喊到好慘 不過係好既

跟住男子們上去分享感受 我都聽到喊

完左就有一個半慶功宴 食pizza 感謝主

食完就落街街佈 接觸一個都沒

跟住成班drama就去子然屋企..

一去到 全部人o哂嘴...2棟獨立屋 仲有個泳池

伯母 好熱情招待 勁多野食...

雞翼 意粉 薯條 食到傻= = 10幾個人都食唔哂...

跟住就上左樓上打機 間房又可以打機 又可以當私人影院

個mon係用投影機..我都o左嘴...

玩左一陣就落去游水 玩左好耐~

又水泡又水槍又浮床 好正

游完食一陣野 大家傾下計就走了

真係好感謝主 美好的一天!

d相我放左上facebook 自己睇啦

 今日六點九起身返舊堂,真係返學都冇咁早...

返到去7點半,祈左一個字禱都冇,就要出發了

係車上祈禱,夠哂特別 不過一樣感動!

係學校成個佈道 最感動就係見證,3個見證 2個聽到流眼淚...

第一次幫一個唔識既人祈禱 真係幾驚= =..但都算ok既 我覺得

完左搭車返元朗..一落車就大獲了!

5個男子搬個琴都搬到手軟,搬完隻手好似唔係自己咁...不受控制,食野都手震 誇張!

我發現阿洛講野好岩聽 "乜呢d野男人做既咩!?你地女人做哂佢啦" 一路搬一路講 勁好笑

搬到去春田果陣,真係 成班drama入哂去食野= =我地係出面搬野...太過份了!

搬完就會佢地 食完野就返屋企,真係攰到訓係度!

明天繼續p@u 同埋聽日會慶祝昌區有2位組隊誕生!感謝主!

見到你on msn 超級勁爆想add你= =

不過都係算啦 總係覺得會煩到你

今日somi家牧講左聖經 拉撒路 從死裡復活既故事

就係呢句最感動我!我當時一聽 個心好震撼!

約 翰 福 音11:40 
耶 穌 說 、 我 不 是 對 你 說 過 、 你 若 信 、 就 必 看 見 　 神 的 榮 耀 麼 。

 原來我哥影左隻狗既相放上facebook..

睇到真係笑左出來原來hero係咁可愛 同主人一樣

今日終於可以訓到12點幾  正到爆炸

之後上下網 吹下水 hea到1點就出門口去舊堂練練練

唔算辛苦 係悶姐= =

完左係度吹水 約埋15號成班drama去睇反反反斗奇兵3 

聽日出隊了 連出2場 9點去到12點

仲要7點9前到舊堂 姐係6點9起身

好驚自己起唔到身= =

好想好想好想好想再次聽返熟悉既聲音

今日祈禱有句說話真係好好."人唔能夠做到既事情有好多,但我地能做到既就係依靠神"

妳...最近好嗎?真係好想關心妳...但又好驚

好聽阿呢首詩歌!我係jpteam既祈禱會唱呢首歌唱到七孔流淚

今天一早返祈禱會,不過都係遲左少少

雖然祈左一陣,但都感動到流眼淚

祈完就講星期五出隊既時間表...

下個禮拜仲要每一日都出2場...祈少陣禱都大獲野..

祈完練drama,真係有d悶 - -

係度記位記位同埋記位...

聽日仲要作最壞打算2點練到6點

完左去春田食野,其實唔係幾想去,因為覺得幾難食

完左同阿洛,啟哲,奧巴馬睇戲...2點幾 hea到4點幾...陰公

仲要睇到最尾悶到訓著左= =咁就35蚊...

唔經唔覺已經寫左6日blog 到遲d睇返既時候

可能會笑返自己當時既幼稚或者回憶返當日係點樣心情

呢個係寫blog既好處

我要每天每刻都讚頌　祢是神　祢施恩典　祢手相牽　令我滿有信心

忽然諗起呢首歌!歌詞真係寫得好岩

今日一早返到祈禱會,比人老點左 以為8點半前

點知係8點前 搞到我返到去果陣個個已經祈緊...

我都o左嘴 唔知發生咩事...

仲要比李傳道望住 即刻心知不妙= =

不過都有發出代禱 代禱幾次 每次一個代禱都好有感動!

覺得虧欠神好多...我諗如果認真咁祈禱,我實會一次過喊到七彩...= =

JPTeam第5次出隊了!

分左3隊 分別去張煊昌 方潤華 可譽

我就去左張煊昌,今次佈道有d難度,因為唔比分享任何宗教訊息...

只係帶出左活力 夢想等正面訊息

不過感謝主! 張煊昌的老師讚我們JPTeam呢!

今日真係超級勁爆超級勁爆超級 想sms....

不過驚煩到妳...所以就算啦

最後分享下今日佈道會既激勵人心短片，睇到我眼濕濕

 尋日死人Qooza上唔到 寫都冇得寫!尋日想寫咩 唔記得了..

除左神之外 我諗多最多就係妳...

好多好多感受想同妳講,但係又邊有咁易開口...

妳,可能係我生命中既其中一個朋友 或者係好好朋友....但我唔知道 神知道

呢排經歷既唔係太多,但對我來講 夠了!

可以知道妳既事 唔論多少 對我來講 足夠了!

我知道 我幫到妳既唔多,或者係其他人既眼中 我根本唔應該幫!

即使會令到自己難過 難受,點都好 我心裡面始終想妳開心...

有時幫完妳之後 自己會喊得好犀利...唔知安唔安慰到妳 但我覺得值得...

尋晚 我講過 我希望係最後一次為妳喊...

因為我覺得 我能夠再做既 就只有放手...

我相信 妳身邊既天使會幫得到妳更多...

其實我有諗過今日唔出來搵妳...因為我知道實會冇咩野講

但妳唔想一個人,我幫得就幫...對我來講一次就夠 唔雖要多...

當時好想同妳傾多陣計,不過後來知道妳唔想 咁就算啦

最後啦 同妳講2句...

多謝妳,多謝妳當我朋友 講咁多關於妳既野比我知

對唔住,好多時候幫妳唔到...

我會繼續為妳代禱,妳做咩決定都支持妳!

 今日返唔到P@U...心裡面有種內疚感...

返到去見到jpteam係度綵排,好想喊...

點解自己會咁懶...

歌手周永恆為2010JPTeam作左首歌《我是耶青》 好好聽阿!!

只係出左去同奧巴馬 軒爺 阿洛食野...

食野果陣傾計 感覺好好..

之後同奧巴馬去左矮仔屋企打機 

《奇點》幾好玩!! 跟住玩《死亡空間》 奧巴馬驚到唔敢睇

不過隻game真係幾恐怖0.0

返到屋企,訓左陣 起身果陣因為屋企人少少問題...

我喊得幾犀利...但我開心,因為我感覺到神好似同我講野!

跟住邀朋友返教會 約到個fd返午堂 一個返早堂 ,同埋另一個fd主動話想跟我返教會  感謝主!

睇到關於妳既少少野,妳開心就好啦!繼續為妳代禱

分享每日金句!

詩篇94:19    

我心裡多憂多疑, 你安慰我, 就使我歡樂.

 今天 2010JTeam去了崇真書院第三次的佈道會...

一早回到晨禱會,祈禱得不太好...因肚餓得很...

很想找回祈禱那份感動呢!

係崇真佈道成個感覺都好好...特別係陪談，同人傾計分享果時感覺好好

完左走左去食素,呢排唔知點解食少少野都飽... 

之後去左買衫 好耐冇自己買衫了= =

成日都係哥買/媽買...自己揀衫既感覺好棒

我發覺自己愛上了搭車時聽音樂,因為唔使理身邊既嘈雜聲 細聽每一句歌詞...

又可以望下窗出面,諗下妳係果陣時做緊咩...其實好想sms比妳,不過好驚煩到妳

今日好多謝妳，係因為妳sms叫醒我...唔係既話我應該會遲大到

唔知點解 我覺得妳會好辛苦...可能妳係其實人面前有講有笑,但當妳自一個果陣,我覺得妳會諗好多野...

想好幫妳,但自己又做唔到d咩...我有諗過 我繼續唔返教會咪好囉,咁咪唔使識妳,更加唔使鐘意妳...

有時真係覺得自己好衰...幫妳唔到好對唔住 

我有時真係好驚妳會為左愛情而放棄神 ,但我每日都為妳禱告！妳辛苦就同神講啦...

唔好話冇事,真係好擔心妳

尋日搵到首歌叫《聖法蘭西斯禱文》，裡面副歌歌詞好有意思..

哦，主啊使我少為自己求，少求受安慰，但求安慰人；少求被瞭解，但求瞭解人；少求愛，但求全心付出愛。

 好耐沒寫blog 對上一次寫blog 應該係...2年前= =

這陣子發生好多事...我返返教會啦 喜歡左個女仔...

一直知道自己性格就係咁...唔會咁輕易喜歡一個人,但只要一喜歡左就....

唔知呢個係優點定缺點@@...

但點都好啦 返返教會 搵返左從前既感動!

呢種感覺係美好的:)