估唔到咁快又到左假期既最後一日啦

功課經我連日黎既努力呢..

都算做得差唔多la

只不過係有d慚愧..

咁多日假黎都冇好好地咁溫過書

返學既第一日要英默

返學唔到2星期又要黎個test喎

唉..有時都唔明點解自己一到test/考試既時候...

個狀態就好似以為自己仲放緊假咁

超級悠閒咖喎...但test出黎個成績又唔係好好

呢個星期要超級的比心機溫書牙[幾乖牙我]

＝＝＝＝＝＝＝＝＝＝＝＝＝

今日睇左之前的一套電影

［Ｔｈｅ　Ｂｕｔｔｅｒｆｌｙ　Ｅｆｆｅｃｔ］[連鎖蝶變]

故事大概講男主角有能力回到過去

想改變一切童年既事

但情況就愈變愈壞到一發不可收拾等..

唔知你地有冇睇呢??

我覺得呢套戲都幾特別..又有d驚嚇位咁啦

好多意想不到既事&結局

有時好多野你可能只踏錯一步..做錯一個決定

就可以影響好多事,,,或者係一生

冇睇過套片就試下睇la

如果你都係鍾意哩d類型既戲的話

今日又係到左五年一度既"停電大日子"

9點幾一直停到落5點幾

真係夠哂<開心>牙.......

乜電都停哂喎..冇電視..更冇電腦

連升降機都停埋tim

電話又打唔到出去

手機都壞埋......完全同外界零接觸囉

不過好釆之後揾到以前部手機仲有電先打到電話咋

今日乜都冇得挽..悶到傻.....

所以先迫住我乖乖地咁坐低做功課

其實咁都好既...放假咁耐以黎....

都冇乜做到功課..日日唔係去左挽就係留係屋企度hea

今日應該係個天都要我收歛下..嘻

所以今日過得超充實....<對我黎講既"充實">

不過d功課都係做極都做唔完

特別係數學囉!!難到嘔牙!!!@@

唉,..睇黎我要好好地+油

快d做哂功課先溫到書

得番3日啦..你地做哂功課未牙??