琴日係元宵節

好開心牙!因為我既靚媽煮左d湯圓一家人食牙!

d湯圓好好味呢.記得去年都有整湯圓食咖

我仲有份幫手整tim架!不過今年就唔同了..

我連元宵節都唔記得左幾時..仲以為已經過左,,

可能係比較忙掛.

講到元宵就會記得我既小表妹生日喇!佢真係超得意!

佢咁細個但竟然都識睇人面色,意思即係佢自己心裡有數知道邊個人惡&邊個只係紙老虎,其實唔惡既

之後佢對d惡既人就扮到超乖喎..叫咩就做咩

對住d佢知係唔惡既人就釆你都傻..轉頭打番你tim咖!

所以.........我經常都比佢打,有幾次比佢整到塊面傷左..唉!有冇過份d牙!!連個bb都虾我!!

睇下佢係咪好cute呢?果然有我既真傳吖!哈

因為某d原因,而家佢已經返緊學啦!希望佢會鍾意返學既日子啦!

送上遲來的一句"生日快樂"^^

=======================

仲有一樣好值得高興既事

就係..,,,過左十五,,終於到拆利是呢個咁甜美既一刻啦!^^唔知今年幾多錢呢?

 放左成十幾日既新年假就咁結束喇

呢個假玩得都幾開心,但有時候就真係無聊到不得了!!

人就係咁,,有呢樣時又想有第二樣,,永遠都三心兩意,返學時超想放假,到放假太悶又想返學

不過我都覺得返學充實d!

唔講d無聊野喇,今日第一日返學,終於見到miss chan 啦!

放假前個日去左比賽又見唔到佢喎,好開心佢返番黎呢^^

========================

琴日做左件我覺得超開心既事牙!

就係終於去左睇我呢個新年假最有期待既電影喇!!----L 之終章•最後的23天

我覺得真係幾好睇,雖然套電影好多人都話始終冇Death Note咁好睇

但我都冇失望既,呢套戲主要講L咖ma,同Death Note冇咩太大關係

而且呢套戲家姐請我睇喎!都值得啦!^^