一朝早,我仲訓緊,一訓就訓到12點-.-(已經算正常o架啦,唔正常o個陣訓到2點幾都得-,-)
我老豆同我講我姑姐黎左香港(大鑊!!!!!!!)
點解咁大鑊呢?因為我前幾個禮拜先俾佢o係電話到哦左我成個鐘,搞到我聽到佢把聲就冇鞋挽屐走
但係,佢係我長輩,唉,冇計,點都要招呼佢
結果,佢上左我家姐屋企,之後我又俾我老豆捉埋上去
上左去一陣之後,落去西九食椰林閣
食完之後,咁就梗係要搵辦法甩身啦
我阿媽又好野,諗都唔諗就放我上9樓(突然間俾我上去,有咩陰謀先?)
佢既陰謀:打完機之後落手作度買大福餅-.-
就係因為佢呢個理由,我上左9樓
就咁又到七點幾,番到屋企o個陣聽到有人講野
冇理由架喎,唔通阿媽自言自語?
去到門口,見到我姑姐o係度 omg
結果,我又俾佢哦左個幾鐘
今年國慶,只得兩個字:好煩-.-
|
