今日係人都知係DSE放榜
我就認真好不幸咁係5科入面炒左1科
其實都冇乜野嘅,話哂天生我才必有用,只要你肯做就實整你唔死嘅
咁其實我今日想講嘅野唔係啲咩人生大道理
我諗其實都有一部份嘅人同我一樣係炒左一科,甚至嚴重到係全炒
但最弊嘅係,佢地啲屋企人就不停死LUR咁問問問問
你係咪應該睇下俾你問嗰個係咩情況先呢?
問都唔係重點,因為我知有啲家長真係識嘅,咁問下佢有咩打算,之後再同佢傾番點玩呢個GAME,咁我覺得冇問題
但係嗰啲你問我,我答左你之後又要唔明都算,仲要話我講錯野,我認真唔知你想我點
拿我必須要澄清你關心我我唔會話你錯,反而多謝你都黎唔切
以下係實況
0900:拎到成績表,炒左科中文,本身已經燥燥地
老豆:你依家入左foundation dip 個工程course?
我:係丫
老豆:咁係邊個範疇嘅工程黎?
我:foundation dip唔會同你分咁多個範疇,佢會要你學哂啲幾乎所有範疇嘅工程都會用到嘅野先,之後上番high dip先會睇你與趣係咩之後俾你自己揀番你想讀嗰個範疇
老豆:唔係丫,咁你依家讀嗰個係咩範疇?
我:我咪話係唔會分架囉,佢會要你學哂啲幾乎所有範疇嘅工程都會用到嘅野先丫
老豆:工程邊會有野所有範疇都用得著?
大家都應該睇到我喺以上嘅對話內容當中已經好清楚咁交代左我報左嗰個foundation dip究竟係讀啲咩
但係我老豆就正如大家所見,我解完佢唔理,仲要掉番轉頭黎話你講錯,咁你問黎做乜撚?
我認為DSE冇錯只係人生嘅其中一個重要階段,但我唔認為我喺呢個重要階段要俾啲無知嘅人阻住我囉
|
