雖然近日中心好多粗重工作，但見到班家如、美美、阿阮及高佬文來中心幫手，他們做到身水身汗，一句說話都無埋怨，我覺得佢地成熟咗囉，原本都諗過唔再做佢地導師，但這幾天見到佢地，我好開心，好想攬住佢地，但無理由架，佢地都咁大個， 好啦！我會好好報答佢地，願主祝福佢地！

 今日一早返工，然後就到十點鐘的時候就返醫院覆診，醫生話我好番好多，耳道也開始消腫，開始睇到耳仔最低的位置，証實是耳道內有一粒很毒很大的毒瘡，之後抽濃及洗耳，醫生仲叫我忍痛，因為他想幫我吸毒瘡內的濃，嘩！真係好痛呀，我不斷叫“好痛呀”，我以後都要好好咁照顧雙耳仔，唉！星期一(9月3日)要返醫院覆診呀，但那天中心開幕，真係有點唔好意思添，因為近日工作咁忙，我仲要請假，希望班同事唔好怪我啦！

今日知道美美爸爸入院，咁我咪入院關心吓美美，之後到達後，只得美美和文生在九樓，美美話她的爸爸未上病房，咁我們咪等囉，打比家如和阮，她們又話在餐廳食野，我仲話落去搵她們，點知去度佢地走咗，激氣呀！明知架電梯好難搭，仲點我去呢度去個度，明知我耳朵痛，咁我咪唔理佢地，去咗急症室搵美美爸爸囉，點知認錯人添！求主祝福美美爸爸可以早日康復，快D信主呀！