與人分享是我的福氣 - QOOZA 網上日誌

2007 年 8 月 27 日星期一

在患難遇上神的恩典

昨晚食完飯之後，就食藥瞓覺，到了零晨三點鍾竟然又再發燒呀！之後耳朵也痛得好厲害，然後食多兩粒止痛退燒藥，直至早上六時才能睡得著，後來就返回醫院看醫生，醫生話我的耳道已經腫晒，不能看到耳道內的情況，他勸我去看專科，但如果要等政府專科要成半年至不等，之後醫生問我會否選擇入院，因為我的耳朵已經腫到看不到裏面，擔心我的耳膜有事，之後醫生同耳科醫生商量，可否給我一個緊急的快期讓我看，耳科醫生答應可以明天早上九時至一時見我，真係感謝主的帶領！也多謝我身邊的弟兄姊妹為我祈禱呀！因為我星期六看私家專科用了很多費用，如果我隔日去真的令我負擔不到！

刊登時間：2007-08-27 03:43 PM [ 訪客留言(0) ] [ 編輯日誌 ] [ 分享至FACEBOOK ]

2007 年 8 月 26 日星期日

痛苦的心但經歷愛心

今日耳朵好痛，痛得很厲害，好似針刺一樣！但感謝主！一班我看大的中學生﹝初中團契﹞，他們來探我，如果唔係他們來探我，我諗我無咩心情食野！因為昨天我痛到唔想食野，只係食咗兩塊麵包，今日就食咗碗麵，仲食咗杯華田添，他們在我家看VCD，雖然他們好嘈，本來好想瞓覺，但他們的愛心令我不想瞓，無論如何，都好多謝他們的探訪啦！所以我請他們食咗餐好多餸的飯。

今日已退了燒，但右耳朵仍未消腫及止痛，所以都令我好痛，每一日都好似被針刺我一樣，未能聽到聲音也是令我低落的事，雖然醫生話開重咗止痛藥，但我覺得好似無用咁，食藥的時間也不定，每一種藥有不同的時間食，令我覺得食藥的煩事！求主給我一個忍耐的心和醫治我的耳朵

刊登時間：2007-08-26 11:40 PM [ 訪客留言(0) ] [ 編輯日誌 ] [ 分享至FACEBOOK ]

2007 年 8 月 25 日星期六

一個非常痛苦日子

昨晚因為耳仔痛入了醫院急症室，好彩有兩位好同學陪我，他們住屯門都陪我去大埔醫院，真係令我好感動呀！

肥仔瘦妹你們真有愛心呀！

今日原本可以同初中團契的靚女們靚仔們去會所玩，尋日我仲同肥婆家如和長毛美美一齊買咗好多我鍾意的食物添，點不知自己無得去喎！超級失望啦！

我今日一早就返醫院攞藥，但因為藥物不能清除我耳仔內的水及濃，所以要搭車去旺中搵專科，好彩今日有BOOKING啫，如果唔係痛到我死！

尋晚我痛到好辛苦，醫院的醫生講咩我都聽得不清楚，好彩我的同學阿頤小姐幫我聽，因為我的耳仔患了耳積水及耳道發炎，故此我的耳仔暫時失聰，原來無咗一隻耳聽野係咁慘！

今日我的狗仔無端端脫咗隻牙，今次真係破財呀，我睇醫生已用咗成千蚊，隻狗無端端又脫牙！

刊登時間：2007-08-25 11:28 PM [ 訪客留言(3) ] [ 編輯日誌 ] [ 分享至FACEBOOK ]

« | 3 | 4 | 5 | 6 | 7 | 8 | 9 | 10 | 11 | 12 |

ELIZAKA

暱稱： Eliza
性別：女
國家：香港
地區：屯門區

MORE...