完左function後，去補習，對暑期作業，太好了！對哂成本.....haha.....

臨走前，同左佢講唔補，真係好難開口

其實我好唔捨得架！妹妹咁乖.......我真係好想繼續同佢補，但都無辦法

同佢影左張相，之後佢同我講：「你番HK之後可唔可以同番我補習呀？」

o個刻我真係好好好開心呀！希望真係有咁的機會啦！

之後走......去德福

同家人食晚飯......Pizza hut......好飽呀！

今日終於買左手提電腦了！Thanks Mum.........

仲有放心，我呢個月會成日係屋企食飯架 ^^

今日爭扎左好耐，最後決定出function

銅鑼灣真係好遠，但當諗到黎緊呢年都無得出時，就.............算啦！

去到，室外的，仲要等左成個幾鐘，好熱.....

等到Barry出了！帶帽，帶黑超...

唱"如果愛過"，ok啦！佢o的fans個勢真係好得！

完左就去停車場，無意間比我沿途都行係佢前面，同佢講左句野

有人問佢做咩帶帽，佢話因為熱，唔想化妝，個樣又殘，所以帶黑超，我真係好鬼鍾意佢咁誠實

到左停車場後，又係度搵車，都唔明點解佢成日都唔記得自己架車泊係邊

搵到後，佢話好熱，將張紙巾夾係鼻同黑超中間，叫我地自己去玩，又話今晚上chatroom

佢走......say左bye.....行到停車場出口，張飛出唔到，搞到其他車要向後移，比佢行番轉頭

我、Katy同Jessica跟左佢行.....行到中途，佢地走番上去，話Barry會駛番上去

咁我無跟，諗住係停車場入面搭番電梯上商場，點知比我撞到佢落車比錢 (當時得我一個)

叫左佢一聲，再say bye.....走

去到7仔，見到班人，我買完野就走lu!

近日被英國的事情搞到我個頭又痛又暈，好大壓力.......

又要煩呢樣，又要煩o個樣！

好多野要諗，好多野要搞

我發覺自己應該患上驚恐症，點算？？？

不過經過呢兩日的自我催眠後，病情有所好轉，無咁辛苦........唉..........

今日同家人去尖沙咀君怡食Buffet

我地真係o個度的熟客仔！我平均一個月都會去一次！

而我爸爸、媽咪更平均每月去成兩、三次

我地食Buffet已經食到唔係在乎食，而係環境、感覺.....haha.....

好耐無見過Summer boat lu! 都有成年了！

最近因為心理學問題，令大家有的機會再見面...

同上次一樣，黃埔，珊瑚堡

大家見面都傾下近況，傾傾下就傾左兩個幾鐘

我覺得同佢的關係好神奇......

大家平日係唔會聯絡，但一年又會見一次

唔知點解每次同佢傾計都好舒服......有這樣的朋友！真的很不錯！

唔知下次我地見面係會幾時呢？