係祝福係詛咒，唔理得咁多，
所有苦難皆為恩典，
凡事都有兩面的話，就要好好運用。
過好每一日，適當之時，就燃燒。

去旅行前幾日，好想搵返啲小學同學，
小學一二年級嗰啲呢，
但以我記憶中只剩低一男一女，
記得個名，又認得個樣，其他嘅好濛瀧。
記得有一個，唔記得名，
學校話嗰日試後活動可以帶玩具返學校玩，
佢問我借左隻新買無耐嘅蝙蝠俠，
星期五借，星期一還，
點知班主任星期一同我講佢轉左校，
喊出黎呀，我到而家都仲記得，頂。

間唔中放假無嘢趕都會試下係facebook搵下嘅，白搵囉，就咁。

去旅行坐車嗰陣除左打呢篇嘢之外，
試下將啲威水嘢柒嘢串埋一齊，都幾得意，
好多時都有會考攞f嘅教個拎5*嘅情況，
Btw, 南懷瑾都係得小學程度，
但實際上陶傑都要爭做佢徒孫咁啦。
即係攞個極端啲嘅例子比較下，
自我感覺應該會良好啲囉。

理論上而家用電腦畫畫有咁嘅功力，
揸相機方面叫價都唔平，可惜無用武之地，教會唔重視。
當然，一收起錢上黎都係跟市價。

再講第二樣

同緊一個一齊再諗第二個，
人地就話花心囉，
但係當之前出力超過自己能力範圍，
換黎嘅結果竟然係咁，
再加上嗰輪連續有咁多打擊，以致今日嘅局面，
算濕碎啦。

最終，都打定輸數女朋友會跟佬走，
除非真係可以包容到我啲缺點，
始終，我都唔想放棄攝影同hip hop，
再者要承繼阿爸堆拳譜，
真係要好長時間。
仲有要讀MFA呢？MD呢？
我就唔想為左拍拖而放棄一切，
去做個文員仔過世。

或者因為呢啲擔憂，怕會有負於人，
女朋友嘅要求，能力範圍做到我都去滿足。

當興趣、特長、喜好等等，
無破釜沉舟嘅決心達至頂峰，
失去嘅所有，似乎都係徒然。

慢慢地愛上她，再於一瞬間廝裂心肺。
第二次係咁，比起用刀插，更痛。
無嘅，鬧分手啫，
只希望，唔好分開，嗰種感覺好難受。
每次都係病緊先玩啲咁嘅嘢，叫人點瞓。
好不容易再度投入，卻…

昔日因為一個人而錯過太多機會，
今日因為一個人將會面對不同挑戰，
過唔到嘅，未來就要一個人面對。