我女朋友，好可愛。

面圓圓，下巴尖尖，眼大大，嘴細細，長頭髮，中間分界，
細細粒，把聲好好聽，好溫柔，同周迅差唔多樣，
把聲就當然係女朋友靚得多。

我地係埋一齊，時間大約係九十日鬆啲，
日記佔嘅篇幅，好少，但感受極深。
或許係初戀，或許係要用甚大勇氣去接受人地，
或許係我要放低妳，所以要加倍投入。

女朋友同我嘅性格，以我識咁多人黎講，貼近到，好似係女版嘅自己。
由無方向感、飲食、作息、思維、感情甚至係近視程度都差唔多，
左右眼近視相差大嘅比較少見。
大家一度以為，係廝守對象。

關於感情，
女朋友細個有個初戀，嗰陣個男仔玩佢，
但係到而家都仲鍾意佢，之後，
就一路以報復心態（好似無記錯），同其他男仔玩火，
直至，遇到我。

無耐之前，佢係旅行途中，見返佢初戀。
結果，戴左幾日綠帽，女朋友就向我坦白，
就咁分手。

女朋友家教好嚴，差唔多個個男朋友，
聽佢屋企人講，個個男朋友都反對得好犀利，
今次，默許左，無軟禁女朋友係屋企，
係佢地眼中，我改變左佢地個女嘅脾氣。

其實我好難接受同一番說話出現第二次，
而且由一個相愛嘅前提下。

由於鋪格超貼近，所以我明白，
亦都嬲唔落。

大家態度只係有前後分別啫，
本來雖然話有好感，但仲係掛住一個人，
到重要時刻，女朋友選擇重拾舊愛，
我揀左放低過去。

本來都同佢屋企人講話唔想去，偏偏就撞返，
唔係整定，仲可以講咩？粗口嗎？

一直以為自己放唔低，點都提返，其實一早放低左，
女朋友就以為自己放低左，點知見返，
人地食回頭草先發現未放得低。

丫，你老母湊大你咁辛苦…

如果，
我同佢一齊大，到而家就會好難散。
只在於唔同背景成長，
心口掛住個勇字就去同超缺乏信心，
呢個應該係處事手法嘅分野。

大家既然都知對方性格係點，
我真好奇，未來將會係邊個鬆手先。

呢一次，好似自己同自己打咁。

今晚收到句，「我唔會嫁比你」，撤夜難眠。

我無後悔過愛上人，只後悔無將福音帶比佢。

或者發夢見過，只係等而家無咁難受。

一段感情出現第三者，最大問題唔係人，第三者出現，
係時間，或者轉個講法，係命定。

對於維度有一定認識，
新興運動有認知，
神秘學，惡魔學更是經常翻查，
音樂工程，電影鋪排，之類。

滿佈了令人麻目，邪惡的意識。

用六年時間研究，只學懂如何放下，
放下得不到的，放下曾經得到的。

多年來，學會了如何釋懷，
如何防避也少不免有攻擊。
問題只在於，察覺與否。

靈界的事，父母知道，讀IVE時的好友知道，
同事知道，有幾位疼愛我的牧師知道，
女朋友似乎知道，但我不願意告訴她。

該怎麼說…

分開未嘗不好，始終不想繼續研究同時，
拿著女朋友的命作賭注。
只想到唯一一個好處，無他。

有位好朋友昨夜找我whatsapp了幾句，
臨下班時意想不到，竟然想要安慰我的說。
多謝，是真的，從來沒有生妳的氣，也是真的。

夢這玩意，令我接受了很多不願接受的事實，
但每當知道了，又如何？
真的發生時，真的，快要承受不了。

只知道結局，不知道過程，不知如何補救，
要不是那些事故，我倆至現在還很甜蜜。
不該出現的人出現了，不該去的地方去了，
千萬不要說的說話也常掛在嘴邊。
「我好肥阿，我都唔靚，又無身材。」
「係呀。」
其實女朋友的任何一吋，我也喜歡，
還有她的脾氣，她的任性，
還有她那對總是像從雪櫃拿出來的手。

其實我覺得女朋友與我也挺相襯，
同是喜愛畫畫的，她教素描，我用電腦，
同是愛相片，我愛攝影，她愛被攝，
誠然她真的是model，我真的是攝影師。
晚上有著同一個習慣，品茶。
柒頭配美女，這組合簡直無X得頂。
會在思念間電話總是打不進來，
因為雙方總在打來打去，天天如是，直至分手。
甜蜜得，以為任何事也分不開，
甚至，連伯母也樂意讓女朋友跟我在一起。

在最甜的時間分開，
對於一個了無經驗以及身經百戰的一對來說，
這段時間，可說是一個不錯的成績。

最痴乸線，是哭不過來，
總覺得，愈負面愈悲傷一旦釋放出來，
都必定會有物件離奇壞掉，電子產品更首當旗衝。
每當想到這裡便提醒自己，大鑊架。

如果以痛來說，上次是被刀割，今次是被剷車撞，
沒錯，是地盤用的剷車。

我們在一個不合適的日子相遇，在錯的事情上相識，
在對的時間一起，在最需要她支持的時候分開。
如果，早十年相識，可能一直愛的人是她也說不定，
不用早十年，早一年便可以避過今次發生的事。

能夠遇上一個懂事至今最貼近自己的人，
真的不想這麼快就消失。

早知道如此，就不這麼快的向她說我喜歡hip hop。

沒機會改過了，那星。