我到底係白痴定係有義氣？
好大壓力。
諗住大手買入，見熟就再睇下可唔可以平啲，
點知到頭來假貨又有次貨又有，
想退貨退錢咩？水都潛埋，幾好朋友丫。
要一個保一個，最後就由我嘔左筆錢出黎搞掂佢，
負埋啲唔係自己負嘅責任，都幾難有第二次。
假若單純用金錢就可以解決問題，我又駛乜咁緊張，
唔孭飛，可能，我會連親情都輸埋。
為咩？博咩？嫖賭飲蕩吹樣樣都無，
點解要我一無所有？就係因為夠雷有道義？
已經唔係怕唔怕蝕底，而家係連個底都無埋。
到底條命係咪生得衰？次次衰親都唔會係一件事咁少，
keep住衰落去，我係咪直頭輸命。
屎一般的四月。
不過呢，我唔想再輸落去，
因為，痴線佬…想追返痴線妹。
雖然成功率唔大，但死狗就註定失敗，
人世間最熱血就係將無可能嘅事化為可能。
伴侶呢，要咁多個，記得咁多個做咩，
事後檢討，起碼都會搵返五官咁上下嘅，性格咁上下嘅，
我啲叔伯兄弟係咁，朋友係咁，我應該都係咁。
至於我會唔會搵到呢，未知，同我啲咁上下嘅應該都無乜。
加上我話過再衰多次就紋條錦鯉係背脊。
話雖我鍾意痛；可以乜都唔諗；
其實我好怕痛，尤其針拮，用刀片，要出血嗰種。
不過，男人大丈夫講得出，就要做得到。
| 
