出糧。
唔多，未夠填無左嗰筆。
當夢想係現實面前，
當興趣係社會不被重視，
當藝術家被認為係唔正常，痴_線，
乜嘢都係錢錢錢錢錢，
人嘅成敗只睇錢，
出門就係錢嗰陣，
我就被睇成，乜都唔值。
無人欣賞我係歌詞上用詞嘅配搭，
無人肯用錢買我畫嘅嘢，
當人人都覺得我影啲相唔值有錢收，
遲啲，我唔知係睇低我嘅人跌眼鏡定係我後悔。
嘥左咁多年時間到底做咩…
因為呢啲嗜好識到女朋友，
同時亦因為呢啲嘢，睇唔到將來離我而去。
因為我係呢行無人脈嗎？
一路淨係要求免費免費免費，頂你唔駛生活嘅。
可以不吃不喝不休不眠，跑步同小明一樣速度可以快過火車嗎？
如果我係，免費又點話。
義氣咁用架咩？定係簽左死約老奉？
或者入CCTXB係走投無路嘅方法，甚至…繼承家業。
但係千萬個唔想唔願意。
由阿爺阿公到我呢代，大部分成員都係做同一行，
基本上任何天地線都搭通，就係唔想做…
點解可以咁犯賤
有份正職，都追唔返女朋友…
係嘅，兩個藝術家一面對生活開支就頭痕，
但我只要狗些少，就可以有唔錯嘅收入，
即使法律告唔入，我都覺得係欺詐，
情況同一開二頭全攻型收音機咁上緊。
好難抉擇，要係呢半年內諗通…
夢想有好多，
最想，
係想做個有個家嘅說唱家。
| 
