邊有咁痴線，一邊剪片，一邊寫歌，
等緊render又去搵有咩beat用得著。

周身刀無張利。

不能三心兩意阿，就正如拍拖一樣，
只怪表明心跡嗰刻已經太遲。

rap，攝影，畫畫，record，我都愛，
因為我愛嘅係media。

詞嗰度我都算係有寫嘅，又係兜兜轉轉啲friend黎，
佢知我有錄，但我無比佢，由阿妹通傳。
結局，當無事發生，當然啦，
知道出事嗰刻即寫即錄，flow就普普通通。

我勁鍾意小公主阿，不過咁，我有一百萬個唔想佢分手，
而且，都唔打算再追，見到面保證規規矩矩，
只要人地男朋友仲想keep住段感情，我可以補位力挽狂瀾。
講得出，做得到。

自己都試過完結，種感覺十分難受。

過左咁多日，仲未平伏到

隨之，將感覺集合，
呢幾句應該可以成為punchline

無一次失意唔係將心託付
每一次都忽視要傷心嘅覺悟
我地相似嘅樣息 以為難得惺惺相惜
只怪我地太遲相識 令我倆分散兩極

當然歌詞內容方面，唔淨止係講情歌。
又或者都算淨係情歌黎嘅，講愛情，友情。

 近排loop 緊呢個生活節奏：

wake up, 早餐，早操，食嘢，GYM，食嘢，跑步，食嘢，
畫畫，high tea，返工，放工，晚飯，畫畫剪片寫詞寫劇本執相一炮過，
最早瞓都已經係兩點嘅事，除非病。
有時跑步一環會加入練拳速，睇時間。

當然係剪片之類嘅過程要等render偷時間打blog，
唉，終於發現用mac有好處。

anyway，一日普遍都五六餐，唔顧身型都要睇下個胃同棚牙，
化悲憤為力量also，唔捱過又點樣養妻。

有個乜嘢都識又靚仔嘅阿sir，
點可以輸左佢嘅名聲，佢都可以邊做designer邊做fotography，
又識畫畫做木工搞水電玩音樂拍戲砌3D揸靚車，
仲有得結婚！！！喊出黎，幾雞嘢一個月，MMD靈魂！
都只係三十出頭，
咁…最多先決條件我係無靚仔呢範啫…
咁無辦法嘅，人地細細個就接觸開，
小學就已經識畫兩點透視，無計架…

我都想有一日實力可以有master級。
自己鍾意嘅嘢，一手一腳砌出，
好似阿爸阿媽砌出獨一無二嘅屋企一樣。

我地…間唔中都仲約出黎…
希望以上種種偷跳不要被女朋友察覺，
雖然佢只當我係前度。

一向，只喜歡暗中行事，
日日update facebook都不過係話比人知未死得。

我都想有一日可以好似班俄國佬一樣咁勇猛，
有咁嘅心，無咁嘅格。

嗯係啦，而家唔同細個，無咁上下財力好難行扙義，
家人教，長輩教，本來屋企家境唔差，
為左保住班屬下，傾盡家產，
到有親屬過世，四十年無見，係大酒店齊人重遇，
贏得尊重，但艱苦。
或者，亦係搭路嘅因素之一，我竟然唔想要，幾蠢呢…