好想搵人抽返我出黎

I need support and back up.

人就chur乾，
邊有人日頭去gym去跑步去打拳，夜晚就寫歌寫劇本，
攰到痴肺乜都練唔到，好似只為chur到盡而做，
老實，劇本就依然無咩新加，反而交左比第二個處理。
至於畫，有畫，但無乜心機，進度唔快。
歌呢，差唔多錄。比班rapper睇過，
話我首詞好正，梗係啦，係一個絕望嘅狀態下寫成，
有別於之前求求其其寫完嗰啲。

都幾冗長下。

話說，都有好一段日子無放啲畫係blog，
難得可以用返pc，
阿，玩其他嘢係mac好，偏偏一到剪片就企哂係度，
what the heck，
我真係好唔鍾意用，但一路無時間，亦唔想搞有乜嘢撞左，
諗都諗到出煙，但為左砌好cv，算啦，
往天疾呼一句diulasing，
就要開始一列列裝返堆software嘅漫長旅程。

最近突然記起instagram account，
主耍都係用黎發姣用，facebook太多人，
blog一思春就論文咁煩，歡迎follow kingman90

係影得好靚，我自己都鍾意，
好可惜日後無機會，唔係好似以前咁，話影就影。

有時我極希望係思覺失調，
但當半夜係房嗌都無人聽到，我就知絕對唔係。
當然過比人自己就可以輕輕鬆鬆鄧梓峰，
但呢招好狗，我係上帝應該會罰呢啲人。

anyway，又離題。

咁講啦，跟時序，但唔post哂，
其實最好都係去facebook睇大圖。

舊年十月尾諗起節經文，摩西舉銅蛇，人子被高舉，
但feedback好似邪教logo。

之前同女朋友傾電話嗰段時間畫，
尤其送完返屋企，或者第二日唔駛返工會傾耐少少，
crystal鍾意魔童，子恩鍾意悟飯，終於醒起。

而家facebook用嘅cover，遲下會轉，都用左段時間。


悟飯mix 阿樂，都係同女朋友傾電話時畫嘅，
而家諗返起，應該乜都唔搞專心同佢講嘢，
但最弱智，係佢講乜我都記得，仲易入腦過歌詞。
呢輻嘢本身以為好難，點知畫到一半先發覺易到無輪。

呢兩張，上圖係女朋友嗰晚話要分手，唔夠霸氣，之類啦。
我每次出街只耍自己一個就會比人查，對自己無信心點會夠朴去圈會督呢…
可能係我太就太就女朋友，到殿堂級兄弟出事又撲出去，
由女朋友係街迷路，我實在太白痴。
下圖喬巴為之前找數所畫，女朋友有一日話教班小朋友畫喬巴，
於是我話，「咁呀？不如我都畫隻比妳啦，教班小朋友咁辛苦。」
忙住返工剪片寫詞之類，總之以為拖得就拖…
結果當一畫嘅時侯，帶住好多絕望係身邊，
人就喊唔出喇，由最唔識隱藏情緒嘅喬巴代我啦。

macross，由九月畫到四月尾，原來呢個先難。
戰機，愛情，歌。
好鍾意輝同明美呢個組合。
淨係畫畫覺得唔夠，片都剪埋

其實用左咁多心力咁精華，應該擺係頭先係sosad