是咁的，
尋晚畫畫畫到天光，食埋早餐再返房，
到十一點先瞓得著。

夜晚同佢地食飯

其實原本仲有我架，叫啲伙記影到炒哂粉，but never mind la，
有無我都唔緊要，列入portfo yo
eman呢張笑得好甜，分明大細超特登執啦！
利申：我無諗過追佢。
由中學識開始，一直恭恭敬敬，無諗歪，
可能係習慣，例如同豬迪緣來自有gay，
同阿yo係因為小學六年級開始一直互窒至今。
有中學同學話因為佢似小公主喎，吓？邊度似？

反而佢地三個就一致認為女王個樣似公主呢，
ayo，唔係個樣，係嗰種氣質，係嘅，我都覺得似，
有貴族品味（陷入自high），哈哈哈哈哈！！！

成枱人都知我之前拍拖，
由阿瑤講我聽，我再問阿瑤，佢話eman講，
今日再問原來唔知靜宜定嘉琁同佢講，
仲諗住偷跳架…

well，呢張好似係一pair，尤其件褸遮住好似拖手，唔知阿，
見到張相就好似執到好似係菜街用風琴機影黑白相咁嘅feel，
當然，我都想同女王去影；每次都好多藉口，
本來佢想影，我唔想去；到我想影，佢唔願郁。

既然影唔到，就由我操刀，好靚，
不過…我無擺落CV
睇幾張已經想搵人，一旦compossing唔知點算。
我連而家叫阿yo同阿蕎都特登溫柔啲就知有幾咁掛住女朋友。

著衫好鍾意黑白灰，易配搭，
影人好鍾意用黑白，特別係獨照。
彩色可以睇到氣氛，黑白可以感覺到內心。

好想返轉頭。

話說，係公司成日都要令老闆加速血液循環，
到底我係咪倒緊佢米…

尋日有新bug中，爭啲要補堂，
今日自己蝦碌，醒唔起點解出唔到嘢。
老細仲話就算有粗口都好少問候人，
但佢比我搞到成日要問候我。
傻啦，我直頭想掐死自己，犯埋啲低級錯誤。

如果，將寫詞啲智慧分一半係生活上就好喇。

by the way,
點解會有小公主同女王呢個代名詞，原因好簡單，
前者係諧音，後者係我當佢係女王咁服待，
何況，I'm king.

今晚總算完成左幅畫

有幾點想詳細講下

講就講係JOJO替身，但其實，我諗女王見到會明，
鍾意粉紅色嘅佢，係佢眼中我成日都黑沉沉，
我成日笑，佢成日擺出抑鬱樣，到我一氹，佢就笑到收唔到聲。
我係佢面前成日唔著衫，梗係啦，我冬天都只係著短袖，
有件褸係袋係廢事咁礙眼，夠膽死幾度同十幾度都係著同一件褸。
之前陪佢去睇衫，成日叫佢買條腰帶，廢事患上啲OL病，就咁。

背後個月亮，畫黎有幾個意思，
第一個「明月」，oh 又洩灟機密，是但啦，咁老友，真係心照。
第二個「團圓」，想一齊返，我承認我唔係隻好馬，只想要happy ending。
第三個「思念」，係夜晚特別掛住，好掛住女朋友，又唔出得聲…
第四個「月神」，紀念月神嘅日子係春分，而係嗰段日子拍拖最甜，
而月神，係女朋友英文名，亦係我畫個月亮嘅最大原因。

到左手，呢個真係特登畫，份人唔算話係好大隻，係有啲啲線條咁，
女朋友成日都掐我隻左手，又會挨落黎翹住咁瞓，甜到呢…
所以阿，都諗緊紋身紋唔紋埋左手好，但著短袖衫就好麻煩，
提高係街邊比警察check袋嘅機率。

再講講，既然左手有瑤瑤，就講上次都有畫嘅

呢個就係上次畫條錦鯉，好似無upload過係blog，
另外仲有兩個版本。

同埋其他錦鯉。


有啲都upload過，但當係collection啦，遲下會再畫錦鯉。

其實一畫中分嘅話，都知我係畫緊佢架啦。

整多個close up，老老實實個輪廓同頭髮都勁比心機畫，
但係到comp埋一齊隻手就遮住哂:o)，低能。

真係好痴線，畫得愈黎愈快之餘仲要畫得愈黎愈複雜。

再提下，首歌為左睇下有咩要執，已聽左二百幾次 sosad
連續兩日，係屋企嘅時間就聽，睇下有咩要執。