教我應該點做先啱？
人地話，一段感情最容易失去嘅，就係同朋友間嘅友誼。
至少一位。
而家，我信啦。
無左最重要嗰位，有咩我都問佢同佢講，咩都就哂佢嗰位，
無左啦。
我以為，佢曾經用過類近嘅手法對我，我覺得無乜大不了，
到今次我用返，竟然嬲到我咁樣，
但當然，已經唔係據理力爭嘅時候，駁嘴只會令段關係更為粉碎。
不在於報復，我只想人地會諗起我，
更無心利用，更估唔到後果會係咁樣，
一時火遮眼就搞成咁，只好慶幸未搞出更瘋狂嘅行為去引人地睬我。
亦唔知幾時變到咁狗，以前所憎恨嘅，
今時今日做左一大半。我諗，都係拍拖以後至係咁，
其實都係狗左一次咁大把，就係呢次，
都足夠將以前嘅好一次過抹哂。
我阿，都係自私左一次咁多，
而事後知錯，即使人地肯原諒我都仲有唔少愧疚，
何況而家呢？
講啲最無關痛癢嘅會用fb，深少少會用IG，再到肉嘅會用wechat or weibo，
相對地圈子會不斷收窄。
而純粹講感受嘅，會用呢度，最真，定係將件事修飾到最好，唔識講。
一路以黎，我都無去宣傳blog呢回事，搵到，係人地本事。
真心要報復，係分手第二日就應該搵過第二個，所以我無諗過要復仇，
我係想佢應返我，就係咁多。未成功之前，已經押上咁大代價。
我好想可以一擊即中，但，充昏頭腦。
或者最正經最唔講笑除左對住我位好朋友以外，都諗唔到其他，
以為我真係咁了解佢，又以為佢咁清楚我脾性；都只係以為。
結果，一招了。
喊唔出，瞓唔著。
就連公司食飯，
老闆都叫話「今日唔係有姐姐黎咩？嗰日我淨係見到背影咋。」
「你hihi黎嘅，而家無左個人用喇，我唔理呀，你同我搞返掂佢。」
我都想。
再講落去誤會只會加深。
係，全世界最差嗰個人係我。
引以為鑑。
| 
