well well well

又成功捱到一個月，
但，最難頂都係朝早同半夜嗰股消沉。

我知佢最近好唔開心，但我無問咩事，
唔講都知，如果佢同我講左，我會更唔開心。
我好想，變成佢嘅mr right。

公司同事對我都唔錯，敢用粗口鬧我嘅，唔多，
可能係因為關係問題，
我就唔想似住阿爸係老闆隻頭馬就有咩優待，
因為入職嗰一下已經跑贏人地九條街，
有父蔭靠，有得靠係好事，現時好多大導明星，
阿爸唔係名伶就係導演，有齊架罉，
但當然佢地都要靠自己努力啦。

我只諗住幫輕阿爸，無諗住話要接棒，
始終都係鍾意創作。

入職跑得何其飛快，不過極辛苦，簡單啲講，
除左星期一可以六點放工以外，
其餘日子唔係返part time就係上堂，
返到屋企要再聽阿爸講相關知識，人際之類。
基本上一日差唔多要踩十八粒鐘，
加埋飯鐘，搭車之類，得返大約四粒鐘瞓。
studio我好鍾意返，
甚至我已經唔再視佢地為同事，係朋友，係戰友。
而且近排人手不足，頂到，都盡量頂啦。

希望快啲升職加人工。

無返咁上下財力，點拍戲阿…

分享埋最近畫左乜

有唔少人都因為瑤瑤而嬲埋我，男人老狗，
如果真係可以打場交乜事都無就好，鬧下交互小一輪又何妨，
一來我唔鍾意爭執，二來我唔想有機會抹黑佢。
我好愛佢。以為2013最後一幅，誰不知手痕係公司又畫多幅

去陪佢買ipad嗰日睇戲，係戲裡面其中一個符號。

係屋企畫，夜晚見食完飯無嘢做又唔想睇書，
所以畫左出黎，我覺得公司請左我，有時間嘅話就參加啲比賽，
話唔定有獎拎，話哂我都係個designer，幾時都係。
 

返左幾日新工，好多嘢未上手。
至於part time總算變得熟練，卻不能進深。
短時間內仍會幫手，錢唔算多，車馬費而已。
當係報恩又好，比個機會自己練習下又好。

講個信字，我覺得好緊要，尤其出黎做嘢。
係studio犯左咁多次大煲嘢，
老闆無同我絕交，無炒我，反而比我更多機會去改去試，
人地一單生意閒閒地幾千蚊衰左要用幾皮嘢嘅時間執手尾。
唔報答，點得？

到我而家做新牌仔係都做左唔少白痴嘢。

老實講，我同而家呢份工，丁點興趣都無，
份糧係高，但係就係衰在高，申請唔到公屋，那星。
但係為左阿爸，想佢唔好咁憂心，就做啦，
我諗頂到盡都係做五年左右，一衰左要食皇家飯，
連同老闆一齊踎，會唔會做足成世人我真係唔識講。
皆因志向，依然係design類。
hustle嘢係可以自high，但無錢，
有無時間再玩落去，唔識答，係聽日放假先手痕打下blog，
其他我都唔知會點。

工作會令人成熟，瑤瑤話我唔夠成熟，
但我只怕…咁啦，一個假設，
大家都係單身，而我亦變得大個仔，
到時就會因著所謂嘅長大而變到唔會揀佢，
會知道比人撬得一次就有第二次，
會知成功復合都會散，
會知外面世界好大，荒死無女？
知還知，我仍然想博一鋪。

都係由阿媽講，大哥大嫂講，
或者係有豐富戀愛經驗嘅人講
所以我好羨慕我阿爸初戀就係我阿媽。

我眼中嘅成熟，不過係用虛偽去包裝。

公司有個女同事好似我鍾意嗰類，而且有聽hip hop，
不過咁，唔追，做嘢還做嘢，唔好有枝節，唔會反口。

係呀，我鍾意親嘅，會掛住嘅人品都麻麻地架，但係我鍾意阿，
扯，駛乜講到自己咁清高，大家都咁差咪門當戶對囉？

其實最弱智，係女仔相信緣份信到以為整定就認定係佢，
偏偏唔知有幾多男仔set個局黎整個人造天意出黎。

無慶祝過紀念日，但總會記低幾多號做過啲咩，
基本上，日日都變得痛苦，
鍾意左個高手，已沉船。

我唔想再將態度轉化…
與其話我變心，不如話心裡面多左一個人，
愛會愈分愈薄，對下一任會更唔公平。