好，又講錢。
假如幾年前，我走左去幫阿爸手，
以向救命恩人效力嘅心態去做嘢，
至今戶口存款應該有七十萬，
已扣除車錢飯錢交稅比家用。
純碎存款，無錯係七十萬，已夠我揸靚車出入，
係屋企附近租個單位仔一個人住，
作為私人錄音室，之類。
呢個數字仲未計買名牌，PS3（由中四講到而家都未買）
or 其他意外，請客等等。
又未計老闆批准嘅外快，可以多到兩皮嘢一日嘅外快。
少都有三千，一個月座底四單。
由於阿爸呢兩個星都建議我去佢公司幫手，
就係度諗。
或者我追小公主行為會更激，用嘅錢會更多，
當然最後追唔追到係後話，問我嘅話，
我想追唔到多啲。
因為阿，接觸神秘學同符號學年份更久遠。
我受得住唔代表身邊嘅人會頂到。
若然唔係侄女出世，我或者唔會捨棄，
雖然無益；仍然有少少心癮。
畢竟會禍及三四代，就由我去做終結啦。
當然而家就話唔追，
但係比著我嗰陣有咁多銀彈，又未必會咁諗。
如果，我當初去左阿爸間公司做，
我啲design能力仲係停留係小學雞程度，
會唔識用電腦畫畫，唔識攝影，唔識拍片剪片，
唔會識到328班出死入生嘅兄弟，
更唔會……識到……我咁深愛嘅女朋友。
唔緊要啦，假設黎啫，而家同將來先係關鍵ayo
我好鍾意design，
好鍾意media，
我愛hip hop，
我好愛我女王。
前兩樣可以做正職做建築之餘，工餘時間攞黎玩，
hip hop係種精神之餘，趁後生表達多啲自己，
到老左，年紀大左，無咁好火，
無咁好氣力，亦無左嗰種膽，怕得罪人。
至於最後，我愛女王的話，就要比到佢想要嘅嘢佢，
睇黎唔做唔得啦，大勢所催。
我無人想追返嘅話，
大可以走去電影公司捱返十年八年得七千蚊個月嘅剪接，
又要冒住公司隨時執嘅風險，like <Pi> vistual effect team，
唔係話唔想做影pre wedding，
只係我怕自己技術未到家之餘，
怕自己見到人地結婚自己會項唔住啫。
我話過要追返瑤瑤，就要早啲決定下一步應該點做。
除左自己想外，睇下身邊有無朋友幫手喇。
| 
