是咁的。
唔記得由幾時開始，講說話會變得以借喻為主，
話係人變又好，環境逼又好，乜春都好。
有時講嗰件事或者係真，或者係假，或者將件正面嘅事講到好負面，
將件負面嘅事講到好正面，之類。
點都好，底嗰浸係真嘅。
嗱，今次又長又噚，
算係自己擅長，甚至到達沉迷嘅狀態去講呢樣嘢，
首先，要有一定聖經底子，無話要有神學畢業，而係入面嘅象徵，
可信性可以由聖經或其他基督教文獻參考，
網上有好多資料，大多都有參差，而我會選擇自己去搵書，
如果係老吹，無必要連建築物都有，
遲下有時間就去拜訪一下，香港有一座。
無返咁上下底子信嘅盲從以及驚恐，唔信嘅會覺得無稽。
有個聖經底但係信心軟弱可有助鞏固信心，畢竟我深信死後有審判。
（而我覺得自己係邊緣嗰班。）
就係咁，我一直都無向女朋友講呢方面嘅嘢，
係佢眼中，我好似係信耶穌唔驚鬼主動挑機去到玩命嘅地步。
要玩語言藝術，我無咁高超，
要隱晦地講個真相出黎，唔容易，但係要講。
無奶嘢嘅人可以真接道出真相，而已經中招嘅只可以用比喻去遮，
遇到symbol，有手勢就要即刻回避，始終植入式嘅洗腦比我強得多，
而每次都要憑手勢憑符號先可以進行攻擊，
好似細個啲卡通片咁要講出招式名，之類。
現實入面當然高好多，係攻擊左都唔發覺，
我諗，呢啲應該係靈界之間嘅協定。
我都係見有位名牧係電視上面略為提及我先夠膽講，
照道理佢仲未死，應該有排先到我，頂多係夜晚郁唔到咁大把。
好多神話書都有蛇，而咁多年入面，搵佢嘅本體，
係我食飽飯無屎屙嘅習慣又好，興趣又好。
按照常理，直接干預係少有發生，反而會不斷埋藏惡念於心頭，
有幾次都爭啲中伏同魔鬼立契約，未去到直接對話，不過又唔代表無事。
而家只爭在無著長短褲左邊開胸表明身分，寫血書跳火圈，之類啦，
我只知收工以後做嘅事與交鬼相約。
看似係有能力嘅禱告，誰不知好似好雞下，
係心癮定還是，憑兩個人嘅力量趕唔走。
只慶幸一直都未有加強，例如屋企碗碟四圍飛，
床頭猛搖，呢啲我都無機會遇到。
但一嬲到頂點，電器就相繼損壞，點頂？
我嘅能力只在於察覺，至於攻擊，人人每日都會無間斷受緊，
係察覺問題，若然唔信，大可以去墳場住返一頭半個月再大返我轉頭。
我個名一出世就由風水師改，親屬曾經因無知而交鬼，而且仲有遺傳，
人地話信左耶穌就遇唔到嘅話，會唔會係咁呢？
個人認知只有權柄趕，無話遇唔到，
至於我自己，就唔知係咪劑劑都係同一隻喇，睇唔到點知咁多。
又唔係咩好嘢，就算話係異能，都唔係算啲咩，係我容易惹到，又唔算太強烈，
人人都有唔同天賦，多寡問題而已，正如有人可以一直都好命水，
細個唔讀得多書都可以一直平步青雲，
比少少努力就可以有靚老婆有女湊有樓住揸靚車，不斷紮職，
呢家嘢，你睇我好我睇你好啦，射住。
天生有住哲學系性格，畢業於傳理系，志向係電影業，做緊嘅係工程，
由細到大乜嘢都撈埋一堆，或者係咁，我認為世界唔止咁細，
唔止以眼見，甚至係憑感覺去感受嘅世界。
就連唔同環境下都有件事嘅輪迴，我相信唔會係巧合，
一講到上帝安排我又無咩領受到，定係我覺得唔需要急住去搵答案。
奶屎呢味嘢，通常要奶過以後至知，「原來係咁」。
唔醒爬嘅話又會重覆上一次嘅結果，大同小異。
規則上…唔能夠講得明顯，但係名人係電視講都無事，
外國有人係facebook用video介紹講十三家族成員個名出黎就要比人收監，
呢層我都R爆頭，其中有一家族係香港當官從商，
有人話係誠哥，但我相信佢入到去都只係最窮嘅一個，
同係姓李，但唔會係誠哥。
佢啲子孫係香港做緊乜乜局長，銀行家，議員，咁囉。
我都係度掙扎緊，而家做緊個客就同個組織有關，
無錢就好難生活，但一講到錢覺醒就唔會出現。
換轉係你會點揀？
當一件事客觀存在，呢啲嘢就唔係否認就唔存在，
要玩層次我承認我用得好差，
至起碼有兩姊妹同另外一對姊妹誤會哂我啲意思，
「唔緊要」──係講緊要都無用，
一來私心，二來緊張，用錯方法都無辦法，
有返咁上下閱歷，都知衰起上黎唔會淨係一樣咁少，
多數都一齊連住落，而我每次一黑，
好多時間毛管戙，有時會好凍，個身震哂，嬲嗰陣亦會咁，
跟手就有經常接觸嘅嘢因為唔同原因而爛，多數為電子產物。
最痴孖筋係有一次燒完電腦成個掛牆扇跌落黎，哎，又打唔中我喎。
每次一話想擘面，當我想講啲新動向出黎，
多數都有一件由一個重視嘅女性而觸發嘅不愉快事件，
慣性我用代名詞或者將某人代入去講嗰件事，
學校有教，機構，組織，地方代名詞都會用女仔去代表
索性就將某件事代入，就係咁。
係仲未斷到個關係以前．由真實代入嘅朋友已經要同我絕斷來往。
一個人有一定影響力，嗰樣嘢就會搵方法叫你收聲，嚴重當然係死啦。
甚至亦成為我冚完又冚，冚完又冚個真相嘅習慣，唔同人都認為我大多係因為女人，
有少部分人以為我係講緊教會，我諗得我自己一個知自己想點。
雖然乜都賴少少先可以做到個屏障出黎。
我只係想人地知有呢樣嘢，知少少，唔駛多，知道係真實存在以致人能夠醒覺，
一知得多少少就會有騷擾，或者係疾病，或者係傷害，或者係打擾生活規律，
有可能係自身，有可能係身邊嘅人。
其實諗下點解山羊頭代表魔鬼？畫星星要係五角形？
金字塔個角度點解可以起得分毫不差？
點解各族神話書入面都有大蛇以及對佢有獻祭？
點解聯合國個logo嘅格仔係33格？
而加加點解會黎香港開show，斷唔係因為錢，
而係阿陳生入左會，
幫佢洗禮個牧師話自己之前做佈道會，夜晚返屋企就打J，
即係點？用下神學角度去解釋好嗎？
係符號學方面我覺得LMF好醒，整一個類似全視眼嘅logo出黎，
唱到有兩首歌嗰陣就引全場一齊做手勢，叫魔鬼睇到向佢宣戰，
醒到不得了。
一直以來無諗過要講咩道理，無諗過會悟出咩新概念，
只想由呢啲學說入面，可以對信仰更為進深，以及令人去醒覺。
「追求民主」，亦係影子政府可輕易換走一班唔聽佢地話嘅手段
我唔介意話我古怪，假若我往日嘅瘋狂同今日嘅古怪，
能夠換到自己所愛嘅人嘅覺醒，無所謂。
點解要用兩個人去做裝飾，因為我覺得用得上，
以好朋友來象徵信仰，再用女朋友來象徵那學說。
大致上在於口裡經常也提著信仰，行為也守住，
心卻不仰望，轉而不斷拆解組織動向，
老實講以記住紀要及議住比十誡仲要熟。
投射返落去兩位身上，都非常乎合而家嘅心態。
明知衰都仲會樁埋去，唔知衰仲會愈黎愈沉迷，
對於信仰會用口承認，行為上亦都做足，偏偏就無左個心，
或者認定左死後唔係係門外哀哭切齒，就係直達地獄。
係上帝眼中所有罪都一樣，但我個人大罪唔敢犯，小罪唔間斷呢。
無錯禱告求主郝免係得嘅，但冒犯聖靈則永不得卸，
有趣在於談及恩賜一般弟兄會避而不談怕誤導而得罪上帝，
唔知係咪因為教會唔提及，或者係自己唔去搵，
新舊約入面都有提及，若然歸主以後仍然故意犯罪好大機會冒犯聖靈，
或者係明知故犯，所以打定輸數會比較好
唔想去解釋，一講就講好耐，我擅長呢個範疇，
用係歌詞上我亦知會特別吸引人，
例如Kanye West，小克首詞都有呢類元素，
我都會略略有嘅，不過唔會講得白，
即使之前好hit嗰首《佔領》無細讀會以為係佔領中環嘅歌，
入一浸就係以為係叫人覺醒，
但最入嗰堆就係暗坦支持呢個概念，
「同合作 共建築 世間新秩序」
有一般認知都知係兩個係互相包庇。
神秘學好寬，我只係對宗教範圍認知比較多，維度，外星人就相對少，
黃道十二宮，灰人，昂宿星人，蜥蝪人，
天狼星，mighty man之類就知得少之又少。
知咁多，只知敵基督精神無處不在，而當一個對信仰無心嘅人黎講，
似係離群，而家呢個階段，我只想做個法利賽人，著重行為總比乜都無好。
只可惜仲係爭好遠。
既然做錯左，就唔多作解釋。
我只想講對唔住，無其他，
當而家做緊呢個職位，慢慢就唔會向人道歉。
眼見啲前輩係咁，高層都一樣，話哂係「官」。
我知我講嘅嘢好難令人相信，當我初初接觸我都覺得當係個故仔就算，
而當近幾年發現出現得愈黎愈多，
發現中小學時代所追捧嘅歌手呢十幾年黎都有瓜葛嘅話，
就唔係巧合咁簡單。雖然而家都仍然會睇會聽，
見到有相關嘅都會避一避，睇嘅話多數都係睇一次就算。
但係，有好多時我都係諗返起先知中招，
畢竟無加加同system of down個劑量咁重，就覺得唔打緊。
老實，用多層表達方法，我自己覺得無問題，係用嘅技巧問題，
如果覺得我衰，咁應該足以證明我地好襯。
而我認為最唔著，最有問題就係我傷到我位好朋友，辜勿論任何原因。
以為最唔會傷到嗰個竟然一嘢就去到咁。若然覺得傷心難過，so do I.
每次都有另一件事發生去遮蓋個原因，好討厭。
即使要解釋，真係聽我解釋，我都唔願意講得深入，
講得深少少就會發現生活上大大少少都有啲關連，
有真嘅，有假嘅，有概念轉換嘅，
隨之，慢慢就會對生活周遭有股驚恐與不安，
唔係一件好事，亦會落入另外一個圈套。
我知得好少，意志力又薄弱，鬥志有上限，
我一早就係電影同搵媒體嘅工作上用盡。
即使而家返工，每朝我都想用衝力射球。
尋找一個靈魂伴侶，似乎好難，或許最後都會變為情侶。
我無諗住要企係乜嘢高地，我在乎嘅只係真相，
即使有幾難頂，講真話我都能夠接受。
至於啲謠傳而到達我耳邊，是但啦，
啲乜嘢好彩無揀到我呢啲咁嘅風涼話，
是但啦，你點對人人點對你，睇下將來點。
差不多做緊好多嘢都同神秘學說做抗衡，
關於惡魔學呢，教會圖書館有，可以剿下。
大致上都係講點破壞教會，
講返轉點，我唔想因為我自己做錯而推卸去學說或介乎惡者的騷擾，
做錯就做錯，我只想道歉，
係每次都咁啱同時發生，今次搞到妳，唔好意思。
| 
