近來連飲三場
去完錦銘一場
再去阿詩
然後到公司同事wendy
中間隔左兩三日
晏晝食海鮮，
隔一日同屋企韓燒。
夜晚同阿培佢地食左幾餐放題，
早輪約隊人出黎又放題，
我做leader當然我做莊，都唔平阿haha
無咩作為，錢就用左好多。
雖然相比而家份糧都只佔左一部分，
未傷及定期以及結婚（or刺青）開支，
但係，我比較想用係學業、攝影甚至係健康上，
每日都係咁以極短休息時間過日，
嗰種感覺，離行屍走肉不遠。
搵到錢還搵到，但係今日用嘅錢，
唔知聽日搵唔搵得返，
又或者呢啲錢，只係夠將來睇醫生，
生命無常，搵到錢就無時間用，
到有時間又唔夠錢用，
結論都係唔儲定都係無得用。
每次想叫自己早啲瞓，要瞓覺瞓覺瞓覺，
講講下就變左放假，一諗到放假又唔願瞓，
起身畫多兩筆先，到真係禮拜日撞啱唔駛返學，
一瞓醒慣左五點半起身，見咁早不如瞓多陣，
一醒已經係六點半…
夜晚。
所以阿，連教會都返唔到，惶論係畫乜嘢畫，
揸機影相就更加做唔到，自己想做都無咁嘅環境，
或者錄歌，夜晚起身連聲都未開，
加上日日食好嘢，其實把聲想好，都相當困難，
靚坤咁嘅聲都唔一定代表hardcore，我係爛聲。
有時除左要高空工作外，更要go home工作，
做唔哂啲嘢就拎返屋企做，
就例如早前要返工畫公仔就係一個好例子。
返工畫唔哂，就返屋企再畫。
簽就簽一份合約，做就做兩份，仲有parttme呢？
當數盡全公司，只得你一個人精通呢項技術，
而公司第二份合約又需要嗰陣，唔到你唔做。
唔計短期course，
一份full time再加夜校時間已經好爆，
再加上其他枝節，依舊能夠生存已經唔錯，
誠然，我仍然視電影、攝影、說唱為主力。
每日都好似一個耐力測試，意志力少啲就會跪低。
夢想同工作一齊進行，將來會唔會成功都係一個未知數。
有朝一日人地羨慕，而辛苦嗰陣就無人知道。
係一個由唔夠瞓去到就黎日日都唔瞓嘅日子裡面，
即使搭車有位坐都掛住打機唔瞓返程，
好傻好天真咁起下嘢，皆因有好朋友invite，
或者我地之間就連whatsapp都無埋，
只係淨低game request。
仲可以一齊玩，已經樂在其中，幾攰都制。
係，講返wendy結婚，
有個同事好似小公主嘛，至起碼我覺得輪廓似，
oh shit，下巴出哂黎…
下話？通常問當時人都唔會話似
唔知呢，我地已經有好耐無見。
或者人有相似，態度就唔同啲
至起碼係言行上面都有少許收儉下。
不過嘛，唔追喇，
追女仔好嘥時間，更何況，
我唔想個樣有少少似嘅將來連朋友都無得做，
比我望到佢就諗起妳，個感覺都唔錯。
無論將來變成點，
我好想我一叫妳就立即趕過黎，
同樣地，妳約我的話亦盡快現身。
如果，我有下一次拍拖嘅話，就第一時間同妳講，
妳要恭喜我之餘，比建議我去維繫，
因為我對男女關係會大安旨意到不得了，成日話自己
之類嘅說話，
事實上就自負到不得了，
成日覺得信心只差少少就可以於水面上行走嗰隻。
妳記得要提我有咩應該做有咩唔應該做。
因為我實在太目中無人，
例如夠膽當面頂撞site agent。
唔偷跳，但如果下一次都係失敗的話，
鯉魚就即時上背。我知我會怕痛，
就連單係劃線劏開塊皮已經覺得痛，再上埋色就要極大忍耐。
上背以後，係室外就幾時都要著衫，無而家咁爽，
每隔一年要去上返色，每晚都要用鐵線刷到出血先可以keep住咁靚，
好似好重江湖味，中國傳統當然為魚躍龍門，代表財運，
日本都有呢個說法，另一個就係愛同勇氣。
一旦紋完就一定要收埋自己。
| 
