養成不少壞習慣，或是劣根性迅速冒起，

煙酒不沾，粗口卻流利到不得了，
不敢於任何場合多言，只怕那些壞習慣會惹麻煩，
若是標榜自己收放自如，那只有他人說我，
我自己卻不敢誇口，那是種自己說了也不知道的程度，
舉例，現在說話自然地會押幾句韻而自己不知，
人家聽進以後卻說很押韻是否想了很久或是特地表現自己，
不，若然你是我的話會明白。

社會討厭偽君子，也沒說歡迎真小人。

都諗起呢幾年做過乜。 

好似無咩大作為。

會考得一分讀左年毅進，
誤打誤撞入左博到入ive 讀個high dip，
英文咁難咁深都捱過去，
因為係度我搵到自己想做咩，搵到我最大嘅興趣，
慢慢我開始鍾意讀書，鍾意返學，仲有一班瘋狂通頂嘅戰友，
你幫我頂，我幫你頂，話咁快就三年，
但係除左有興趣科目外，其他都水到爆炸，
於是同一科可以retake三年，最終加多年，畢業。

本想做揸相機搵影拍電影畫圖又好，乜都好，
儲個cv就去見工。
讀到year3王維基個副手話cameraman暫時無位，
如果第時開台就請我，
結果由logo由藍色一餅嘢轉到綠色有hktv，到到今日唔發牌，
PO唔請，DDD要人介紹，T film執笠，
好似一切都即時封哂所有出口咁，到到而家，
我只好聽屋企人講做住地盤先，他朝註冊左我就點都得。

呢幾年個框架大約係咁。

那為何我如此熟悉江湖事，那便多得行業相關，或是稱為家業的。
不太願意接觸，但當想到電影業同樣需要那些人護航，那好吧。
即係咁，即使我幾似個mk仔，我絕對唔係古惑仔。

由坦言向小公主表白，到到而家唔再搵大家，
又或者有個朋友由診斷到離開亦相當快，可想言之生命有幾脆弱，
走嗰陣五十幾歲，由細睇到我大，真係唔開心左好耐…
過多陣為住興趣出發，
識到個由風格、興趣、性格、習慣同我極其相似嘅瑤瑤，
成功破開十幾年都無人可攻破嘅心，相當有本事。
同期唔止女朋友一個鍾意我嘅，
不過我無感覺囉，及後更不了了之，是但啦。

一向都係每件事一鑊過，之前有少許預演咁。

無諗過會係咁，當我看似聽話，心底仍然反骨，
只係無諗過，無心去報復，一旦記住曾經點對我，
我好興去還，而且會用相同方法去還，
或者係相信用約束去表達，
當日咁樣做，即係表示呢個處理方法可行，之後我就會去做，
類似係唔講粗口嘅人面前我會唔講，大約係咁，
同樣地係我太著重規例而忽略「人性」呢一部分，
明明自己係人口中係最講義氣，反而因為小事而壞大事，
我百分百知道神秘學又如何呢…人地無認知就無認知，
再講都變得多餘，有人會肯聽我講嘅，
但都係同我一樣，有事先發現有問題又搵唔到答案嘅一班先會問我。

關於靈界嘅事，我唔敢講我遇到係一定準確，
但到目前為止出錯機會甚少，發夢就係一個好例子。

瑤瑤係一個好好嘅觸發點，令我變得更痴線，
十二點幾返到屋企瞓到發噩夢第二日又死返工，
係世伯面前有專業執照，可以搞埋工程嘅藝術家，唔會失禮。
而唔聽阿爸講我就只有噩夢同part time，
係咁上緊，啲時間根本密到喊。
我成個月都未曾放過假。