是咁的，早三個禮拜前約左秋燕食生日飯，唔理係咪純粹吹水，
都令我耿耿於懷，我意思係我仲係好傻好天真咁相信朋友。
係弱智好，係白痴好，始終我都相信有報應，
所以我情願戇居地做好人，都不願收尾幾年要還。
箴言話唔分析都相信係一種罪，愚蒙人是話都信
哥林多就話要凡事相信。
無嘅，聽君一席話，唔多唔少都令我更明白女仔個心多數會點諗。
我好滾動會將一啲大多數嘅想法話我知，衷心致謝。
更高興可以見返，成年幾無見，覺得我蒼老左勁多之餘，
秋燕仍然是咁靚，呀！！！
係照單全收之下，到而家一無嘢搞就思索一個問題。
I mean 臨瞓前，等lift之類。
我當人地係自己人，或者人地都覺得同我熟嗰陣，
一去到某啲位，係咪大家就要有所區分要決裂要帶有仇恨過日子？
例如有日本朋友，一講到關係就有侵華同事件嘅分別，
係大陸，仍然會分「唔好佔用香港人嘅福利」
一講到利益，一講到福利，好似幾好朋友都只流於表面。
即使熟讀人性弱點，或者以往讀過幾多書，
事前有幾多準備，輸就係輸。
的確難以駕御個人情緒，尤其被冤枉；
被女朋友特意讓我知道嘅抹黑；
肢體與肢體間嘅內鬥，表面又要扮無嘢；
studio上嘅冤屈；
朋友間騙財捱義氣無左幾皮；
以及麻煩嘢夜裡到訪；
更得知未來幾年執行紀要一半都涉及香港，
一次過蜂擁。
情緒一爆似乎就完哂所有嘢。
係君子同小人之間，唔知應該點定義，
社會上有邊個會鍾意偽君子？
口講討厭之餘，亦唔會歡迎真小人，
然後人人都唔想認自己衰仔，個個都學 虛偽，
又有幾鍾意自己呢？
或許因為年青，可以認低威，
犯錯可以有人容忍，對上有人照，對下有人用，
為官唔易，尤其係唔會認錯呢一part，
有時就算係自己想認，要企係工作立場，死口唔認，
上頭教，同事教都係「咪好X認」。
所以，呢方面我都怕有朝一日，我連私事永遠都係人地錯，
咁樣，我只會更囂張。
只盼望朋友阿，請妳記得我仲會向妳道歉嘅日子，
我諗將來，會變得更狗喱。
還請妳多加提點。
只係普通一餐飯已經令我有咁多嘢諗，
當然仲有以前讀書嗰陣做過嘅事，玩過嘅事，
個人認為唔係呢餐飯重點討論題目。
食餐飯就唔駛話有咩可以攞走有咩得著嘅，
要格硬講就梗有嘅，就正如有句說話我聽過好哽耳
「一個係報紙度再壞嘅重犯都有比人值得學習嘅地方，更何況聖經呢？」
有無嘢學到靠悟性，靠天啟，
換句話講，靠天主有幾多恩典讓我發現。
補多句，多謝是次飯聚，獲益良多。
多嘢做還多嘢做，甚至已練成如何有效偷時間。 | 
