用左幾日時間畫，然後，送比自己做生日禮物提醒下自己。
我要成為一個勁嘅rapper。
勁除左技術上，待人處事亦要得到一定尊重先算為勁。
我認識有一個，技巧唔算高，不過別樹一格，
有自己一套，對人亦極好，我受過佢幾次恩惠，
都唔知點報答，更有能力資助一場大show。
所以，份工都係做住先，一邊攞經驗，一邊燃燒鬥志。
幅圖放左係四個平台上，有ig，fb，wechat，同埋呢度，
每一度，都有唔同方法表達。哈，每一度都有唔同角度，唔同深淺嘅feel，
fb account約略都係講做rapper，做人有良知，提下阿sir咁。
wechat就寫左幾bar出黎簡單咁講自己有咩想做，
但係暫時未做到，關乎家族面子等等。
到ig，其實都係咁上緊，講下有咩身分嗰股自high，
到而家我都唔否認我係個攝影師。
到到最入心嘅blog，
老實講，有我呢個blog，都係關係極要好嘅朋友先會有，
當然我唔會上鎖，因為就算我講出想點，
永遠砌唔完幅圖畫，更唔會知我實際會有咩行動。
我盡量做到誠實，會係字裡行間隱藏想要出嘅信息，
明唔明就係其次，反正我會執行囉。
但係咁，即使同瑤瑤極其親密嘅日子，我都未曾提過自己嘅英文名，
更無提過有打blog。
當認為我乜都擺上facebook，其實仲有好多濕碎嘢係其他地方，
就算知道我有咩方法，估到我有咩思路，我已經行埋其餘幾步。
正如我話入地盤做係上年未識女王以前已經有同阿健阿賢講過下，
不過未係時機，無點提。
一個寫慣歌詞寫慣劇本嘅人，
點會無全盤計劃先去行事呢？
係我咁痴線會即時改，因為仲有幾個後備plan，
我同意自己個方向，細節再斟酌。
至於女朋友呢回事，從來無後備，或者係我最大敗筆。
以下呢句同成篇嘢都無關係
最好，成為killuminati嘅一份子啦
| 
