或許我會變得奸狡，因為我學識人情世故。
但係，
我想keep住嗰種熱情，對興趣不變質，
對現實唯一嘅妥協就係我 去聽阿爸講考個專業執照返黎，
到時，想點就點。
係仲係晉身成管理層初期，
我都仲識得咩叫做夢想，所以我忍。
夢想有好多，有啲係自身努力又得到人地認同先可以做到，
例如攝影師、設計師、說唱家之類。
呢啲都係我想做，
但係並無任何政府註冊乜乜師之類嘅牌，
靠口碑，實力就淪為次選。
係，當初只要我肯埋堆，
大家只要憑住圍內互相追捧就有生存空間，
以當中較為熱門嘅攝影師行頭計，
buy你就係，唔buy又會話貴話嘥錢話有錢人玩意，
踩得最盡嘅一句就係呃錢。
而我自問，對呢樣嘢嘅執著，
同出面嗰班以相機搵食嘅人技術差唔多。
阿…我影瑤瑤已經係有板有眼啦。
點勁都好，始終難逃飽和，以及無政府認可嘅命運安排。
我睇到，就係冷門繼續冷門，熱門就好快有市場飽和。
到搵我嗰陣就話係fd，唔會有友情價，
只有拍個膊頭就做，見到第二日天光有何難？
到要真係接，又會要整幾個板出黎，
到最後唔啱心水又會貨就照收，錢就唔比。
喔，去餐廳食飯試菜都要比錢啦？design呢？
繼續自把自為屋企仲頂得順，但係萬一，屋企有咩事就唔係咁講。
18歲由阿爸上庭開始，
我就知第時要入去做返幾年報恩，或者以低價接公司freelance。
係有以上或者其他原因啦，
總而言之，以「女朋友」為原因嘅，
佔極少因素，將佢放大只係借題發揮。
單純只講靈界會因為好奇而走錯路，
有親身經歷的話，就更唔會用呢樣嘢黎講笑。
試問有邊個會有心去理解我點解會用盡任何方法去抵抗？
我呢一代仲未覺有問題，下幾代就好難講。
噢，又岔遠左。
如果係貪我錢嘅無必要每次都爭住比錢，
識我已經知我無錢，就咁。
靠屋企嘅只係屋企嘅錢，唔屬於我。
既然係咁，就用一用權開個網出黎自保又好，幫人又好。
好坦白，我對份工，丁點興趣都無，
勝在有人脈，有古怪想法有怪招，
成為老闆麾下嘅奇兵。
對事物嘅洞察力同為公司包裝，除左呢啲優勢以外，都無咩特別。
老闆因為面子上請我，阿爸就想我接佢手，
老實，我唔介意比人講係邊個邊個個仔，
如果我係做得黎的話，但我至驚就係整臭個朵。
呢個唔止影響到阿爸，而係整個係行內做緊嘅親戚。
我唔係對公司有咩不滿，做左一段日子亦無要求加人工，
同事總算待我不薄，一般黎講遲到一個鐘都唔會有人剷，
食完飯唔駛即刻做嘢，得閒可以hea到兩點幾先再開工。
假期唔算少，由硬掘七日去到一年有十幾日年假，其實幾好，
或是以專業偷雞，由「你知唔知行情架？你根本out rule嘅。」
答覆已進化成「何止outrule，我根本就outlaw」。
公司咁好福利…我唔應該埋怨乜嘢，
我只係覺得，浪費左我。
一個有心搞影視設計之類嘅材料，入左完全同自己相反嘅行業。
由好驚考筆試，變為隔一個月唔夠又要考個牌返黎，
無方向感認路其差，除左要學識睇地圖目測有幾遠幾斜幾深，
我仲要考車牌，哎，其實我對車無興趣呢…
會唔會係公路死火都未知，我唔係畏首畏尾，
而係我日頭唔會有精神，唔撞已經好叻。
過往對於無興趣嘅事就唔會去做，
到到今日即使無興趣就更要比心機做。
純粹係自己嘅話hea住做無所謂，但係面子尤關。
家族之中完全唔識，但係投放資源最多嘅一個，
人地用五六年時間先可以劑身於呢行，
我用左十秒時間下巴輕輕就入到。
如果我話唔做，其他人會點睇我屋企？
頂，但係話唔做都要等多三年先講得。
唔係出身於工程，好多嘢都好吃力。
老實講屋企有錢都係以前嘅事啦。
成日都掛住有錢仔呢個牌頭有鬼用。
而家我只希望我達成哂屋企想我做嘅嘢之後，
做返自己想做嘅事，如果唔得嘅，
就當之前幾年用幾十萬去深化我啲興趣。
雖然我視阿爹為學習對象，但係我永遠做唔到佢嘅位，
其他人應該都係咁睇，實在太勁喇佢。
當然最大原因莫過於佢design左個牌出黎，
由創意變成傳統而家個個都跟，
一個無學過design嘅人可以令到全港人跟佢，心悅誠服。
當我有自己地方之後就可以有四味，
做影樓錄歌出product拍戲，最後就有得做有個家嘅說唱家。
成日都講，呢個係宏願。
係呢段日子，我或者會忘記上帝，
但係難處，一日比一日多…
將來睇會變得濕濕碎，而我而家不依靠主，
我就會變到邊個都唔信，成為一個狗哩，老左依然一條冷。
| 
