今年平安夜，無左拍拖嗰陣嘅憧景。
以為可以帶佢返教會感受下係教會過聖誕嗰種祥和，
分手或者係一種逼使我成長嘅過程，
或者唔分手我會帶佢爆房呢……點知咁多呢情到濃時。
外面嘅世界我經常接觸，黃賭毒黑吃黑都見慣，
到目前為止，變得咁少都算唔錯，
阿…之前錄音室就係老蘭隔離，放工兜個轉有幾難？

點都好，我好掛住佢。
所以阿，今日佢生日，滴起心肝執埋張靚相，
well，黑白有黑白靚，彩色有彩色靚。

我仍然很愛她，真的。

平安夜公司聯歡，抽中左大獎，iphone 5S

哇，我頂，係呢刻我終於明白林黛玉有咩心情，
係好開心，但同時亦受盡千夫所指話造馬，
第一我新入職已經算係管理層，第二我爸同老闆啲關係，第三老爸係MC，
……呀…我只好講句

反正我話無造馬，唔係內定都唔會有人信我。
跟手擔任大會攝影師。

妹妹好靚，同事真係好似小公主，至起碼我自己覺得似。
我真係好驚自己唔知邊日跳掣而追佢。
到時好大煲呀…玩家族聯合咩…咁咪成間公司都係我啲親戚…？

夜晚平安夜，按照以往一樣報佳音。
2012 christmas:

2013 christmas

我諗，咁樣影得我先做得出，過幾年黎一個大集合先。

係屋企都係畫畫咋，跟手畫左幾幅

畫左雅典娜就畫埋星矢，
對比之下雅典娜真係畫得好hea，時間相差兩倍，haha…

聖誕過往妳都有同我講句聖誕快樂嘅，
丫…今年無講，有無興趣下年講返？

除左畫星矢，呢張賀年圖都即將面世

或是情人節賀圖

表面彌漫著不良、古惑及囂張的元素，
不，我是老槻底。

講得白啲，我愛妳阿。
咩520，去搵表達方法又要扮唔好意思講暗語，
我比一般人更瘋狂。

 即係咁講，好內疚。

以為我老練咁攰都繼續返錄音室，係出於喜愛、
出於責任、搵唔到人繼位、自己弱智，林林總總。

假若當初好朋友做左我個位會點，誠然配嘅片種愈黎愈難，
唔知做唔做得黎呢。
係嘅，都無得返轉頭。

話說媽媽突然興起問幾時食團年飯，問左親戚，
等成兩個禮拜都未決定，
啲答覆答到一舊舊真係有啲唔想睇，可能係佢地啲文化水平高，
master、PHD之流，我學術成就無咁高，
睇唔明啲幾個語法撈埋一齊嘅用語，
結果約禮拜三食，禮拜日半夜先答到，
喔，即係得我唔忙嘅，喔，原來係咁嘅。

結局，禮拜三晚倒瀉鑼蟹咁令到missy，chris同我都好無癮，
或許因為家族飯局，我有講過唔去，
但係家母講到有幾委屈幾難得，咁好啦我去啦。
比左錢留位去間平時食晏食開嘅，或許我知道老闆啲脾氣，
一次唔守信就好難有下一次嗰隻，
如果話有一個甩底都幾難再去多次。
加上係打人情牌係呢段晚晚都爆哂嘅日子插隊，
唔去點得？
之後有親戚就嫌海鮮有沙，唔乾淨等等，
由環境到食物一直彈，
又食得津津有味，何解？

anyway，再黎多次咁急，唔係死人都唔會應約。

食一餐飯我要得罪幾多人，
瞞住同事打尖先食到，而家咁彈法，喔。

及後兩個禮拜都上左大陸揼骨，
有時我都唔明，揼到變VIP，比人請埋去食開年團年飯，
點解唔索性入股…

全身實在痛到不得了，
或者係幾年唔瞓積落。

難得有假期，大嫂約入camp
全個camp我部機淨係影得幾張相咋，
仲要連拍，咁就代表兩日，
呀…小美人病左阿。

then，又畫畫

連日來不斷記起聖鬥士啲歌詞，
索性畫隻雅典娜出黎，一路畫，就一路諗起一個人，
若然真係代入我係聖鬥士的話，咁好朋友呢…就係女神，
我覺得好靚，程度達至女神級，即靚女唔屙屎呢個道理，
um…係即使無限次死再無限復活，
距離再近都只可以係擋子彈嘅位置。

哦，係喎，唔記得我係反骨仔添…

係喇，黎緊29號拍片我好驚炒粉，用左咁多個月搵齊腳，但距離只得返幾日，
房又未有，場又未定哂，對白又唔知點，等收皮比人小我呢個director