上年，就係呢套戲，
我送出左初吻，換個角度，係佢趁機偷襲，
有時，我都諗係咪我唔夠主動，而導致佢離開。
只顧住自己啲劇本，自己啲歌，攝影作品可唔可以見人，
落街跑步唔帶電話，每次打黎都有幾個miss call 都不以為然。
我只係想將好嘢留比佢，比啲成果佢睇到，可惜不斷失敗。

今年立志唔係追返佢，不急在一時，
大可係幾年後我未娶佢未嫁先再搵佢，
今年，只係想實踐夢想。

長髮部分，都應該keep到有年幾，
其實，我好想剪左佢，夏天熱，冬天洗頭要吹乾，
間唔中就要落護髮素，平時唔紮好佢食飯又驚揩污糟，
紮得耐又會扯住頭髮，紮左挨後去凳pan又頂住，
出街比班mk逗，見警察又查身分證，
我連返大陸過關都要比人查銀包，
我就黎可以寫本書叫做《男孩子留長髮的N個缺點》。
但係因住有約，以及夢想，一個非常好嘅提醒，
追夢嘅，奮不顧身嘅為數不少，歇斯底里嘅就無乜幾多個，
做唔到嗰班，只有大大小小各種制抓。

雖然想剪，但到真係剪就會唔捨得，好似前功盡費，
即係問我飲酒呢回事，我係好想飲，鍾意貓貓地嗰種感覺，
但係，唔好喇，除非有日唔駛再守先再講。

飲酒，而家都成日有判頭叫我放工去佢個場飲，
是咪齋飲，八成都唔係，仲有女陪，
素質不論，每次叫飲，每次都托手爭。
就連叫飲茶食飯，我都要考慮一段時間。
我好想妳能夠扶我一把，
我真係怕有日行差踏錯。

甚至，貪污。

工程界，除左本身有政府照而做出大大小小犯法事以外，
仲有唔同種類嘅雞蟲，做緊嘅都可以睇AV，
以及講收工之後去邊度幫櫬，
我好怕自己會好似佢地咁，甚至沉船，
所有仕途就係咁先，呢味嘢仲恐怖過玩相機音響。
我要妳提醒我阿。

我最多…係個樣惡啫…即使唔係好人，我都唔想做壞人。

本來想集中講愛情，講講下又去左工作...ha

後續昨夜未完的話，
新一年，立志呢，仍然會立，
例如在主日早點起床以便上教會、
不談戀愛一年、勤力點練畫寫歌做運動練拳、
多點看病保持健康以達至更痴線、賺多點錢用來拍戲。

還有，重要的，
希望與小公主和好，以及至今年年尾，
對瑤瑤的愛意有增無減，不存留任何恨意。

回想上一年，很甜蜜，
原來，拍拖無半句預備，就可以成為情侶，
拖住手問我「我地今日係咪開始？」
因著偷跳，忍手不打blog一個月，
正確來說，是不讓其他人發現也不在這裡發表，
有人夜深whatsapp問我，我也跟他們遊花園，
因為他們質疑「連佢都有拖拍」。
其實沒什麼大不了，只擔心小公主的心情，無他。

好像除了戀愛沒什麼值得回憶的一年，
一定要入局的拖了數年終於成為一員，
少了團契，少了祟拜。
自口痕以後，就不斷上班上學，星期一至日也如此。

2014，蠻想多點祟拜，多點思量經文，
以及健康問題要早點治病，
單是同工的擁抱仙人掌理論已被我駁斥得無從反擊，
數個過多於功的比喻，有什麼論點可提醒弟兄姊妹呢？
很想上帝狠狠掌摑我，以最小的說出神的話好讓我回頭，
對，洗禮時說的不離開，但隨著這幾年過去，明顯地我失去了那股熱心。
不是不想重燃，是我看到所遇到的，使我心灰。
無人可亂拋經文來勸戒我，因為同樣地我亦會以經文回應，
那麼，只會連勸我的也一起灰過灰燼。

舉例說，喜歡上一個十多年來不喜歡自己的人，
一直追一直等，後來不再追不再等，這人是多麼的難得的專一。
或是說，十幾年來差唔多咩方法都試過，係唔鍾意就唔鍾意架啦，
等乜春，要dump要拖你時間係最好嘅拒絕方法，
係真係專一就繼續專落去嘛，專咩一，呢啲係蠢。
兩種角度，同一件事，多麼簡單的例子。

也罷，努力點愛她們就是了。