早前為兌現四月嘅約，終於可以同一位教會姊妹食到飯。
我拍拖又比佢撞到，天意，坐正隔離枱⋯
平時都唔出街食嘅佢，竟然見到我執緊女朋友手尾，
哈，應該點介紹好。傾左六個鐘，教會部分佔左好幾個鐘，
至於夢想以及感情呢啲戲肉，只佔一個鐘左右。
夢想好明確，實行嘅方法係因為職業而慢左啲，
錢唔係考慮因素，顧慮嘅反而係家族，
小康之家亦會因人多而變得繁覆，
呢一行大多數都要經介紹，斷唔係讀過幾年書就入到。
我可以一直平步青雲，因住高薪，想要嘅嘢就垂手可得，
除左愛情。呢一切，亦唔係我嘅愛好，
一時狂歡難以持續，慢慢就會唔開心，直至空虛。
有高人工，又會唔會毅然放棄權力而拍戲呢⋯
我愛那一直愛著的，縱然覺得被我傷害，還一直愛下去，
我愛妳，
只願妳將來遇到邪教手勢，符號會作出回避，香港近呢幾年多左好多。
有時諗起瑤瑤，近來寫嘅歌由排列，配搭，再去到意境，所用嘅心力不少。
到小公主其實我都想寫嘅，又諗唔到有咩好講。
老實講，我比唔到小公主想要嘅，睇啲合照，就好似瑤瑤對住我嗰陣笑得咁甜。
同教友傾偈，我好似無感情真空期。
又係，或者係我見親戚嘅際遇而一直調整心態，
係遇到女朋友之前，我個心，一直得妳一個。
係眼角高，係囂張，係單純，係乜都好，講黎無意思，
反正過往付出係真實，更重要嘅就已經係成為過去，
記得有講過曾經有些少對其他女仔心郁，嗰種感覺，癲。
明明曖昧到，投機到，連電話都攞埋話出街，打得通，
之後一諗起小公主，立即斬纜。
咁女朋友呢…？真係咁啱，慢慢就一齊左。
唉，我頂，就連遭遇都係咁上緊。
如果問我到而家嗰種感覺，痛，好痛，仲流緊血，唔識埋口，唔識結焦。
好想喊，隔左咁耐，一滴眼淚都咇唔出。
人人都講話唔好比下一個知我鍾意邊個女仔，就連鍾意過都唔得，
傻啦，邊有得唔講，問到就要答，而且，由暗戀單戀去到所有人都知，
有求其一個漏口風我應該點做好呢？
盡可能，我都係想要返女朋友。
唔係第二個，就係靚過周迅嗰個，
就係郁啲就發我爛渣，嬲到想揪我嗰個，
就係花少許心機就可以氹到佢唔知笑好定嬲好，
一路笑一路嬲嘅嗰個，
既然咁強悍可以走入我裡面，就想盡力留住，
那怕係一句說話，零碎嘅回憶，一啲愛好，一啲小習慣都好。
撇開愛情，其次掛慮就係健康，愈黎愈差，
一坐車就可以即刻瞓著，到站起身可以全身無力企唔到，
兩隻手又唔知練唔練落去好，一直練落去，或許可以打穿更多嘢，
除左不斷療傷以外，老左輕則有柏金遜，嚴重就雙手廢哂。
但係唔練又唔得，對落有班工人阿…
唔係同佢地對打或者開片，而係你唔識嘅話，
人地只會口服心不服，有事上黎盞捉蟲。
| 
