最近都幾忙下，
新學期開始，公司因為新年假放完，
啲人陸續返黎就陸續有意外，忙到喊，
仍不忘每日食tea。
所以腹肌無哂，肚腩現形。
未至於太大，而家至少要一個禮拜操兩次先可以keep住體形，
我唔可以肥呀…如果唔係就要打重量級。
有個好上司幫我隔走上頭施下嘅壓力，
除非阿爸親自開火，否則佢幫到擋到嘅話佢都擋足，
幫我出頭，又耐心教我。
但係要出陣嗰陣我無返，要佢一個頂 :o)
事關：
終於約到去拍嘢，感謝一班欠下人情債嘅巴打，特別感謝阿yo，
百忙之中抽空捱義氣，由十點開波拍到半夜兩點，
即係咁講，如果第二日大家都唔駛返工返學無嘢做我就要求NG，
好老實講，要補shot囉。
隊友們私下跟我說，是咪又重蹈上次嘅覆轍，
……最好唔好啦。
由搵crystal拍得出到變為女朋友嘅瑤瑤，
又或者係之前嘅kayan，
吸收咁多次失敗到柒到唔敢睇嘅結論，今次準備再充足啲。
又或是說，是咪特地搵一個同瑤瑤差唔多樣嘅去FF
 
吔屎，好似真係有少少，
嗰種包包面…眼仔大大咁真係有些少似，
加上又係有個瑤字sosoad，難怪會有啲咁嘅聯想
但我諗我應該唔會追阿yo…呱，
咪搞啦識左十幾年一路都無feel，追都幾麻煩，老實。
佢啲拖友我又識，阿yo亦都見過我拍拖（嗰次真係想撼到埋牆，百密一疏），
同佢拍嘅話唔講都知佢過到瑤瑤個位都過唔到好朋友個位，
阿瑤同瑤瑤…個名好亂呀！！！
yo仲話遲下想轉中分，我頂。
即刻同佢講「嗱！唔好呀，我唔想無朋友做呀，
我唔想呢個成為我追你嘅point呀。」
另釋出逆光相
 
親自郁手影嘅逆光相唔執已經有好正。
直至晚上要BBQ大結局及其他場景，
呢兩張都好有feel
一到BBQ場景，當然做埋晚餐，
然後，不停做抽濕機係咁抽我水，
又係，佢地咁多個共同識嘅都係因我而起。
萬變不離其中，無論我點分散注意力，
topic兩句後總係返去「妖你，講返感情嘢啦！」
大家識我都有好一段日子，
都相當好奇點解我同另一個人拍拖，
尤其阿yo啦，談緊情嗰時send個whatsapp過黎，
我無否認過「係呀，我好鍾意瑤瑤架。」
因為佢嗰陣唔知女朋友個名都係同佢咁上緊，
笑笑下就不了了之，
直至係街撞到互相介紹嗰嘢真係唔知點講。
瑤瑤乎合哂我所有要求，嗰種任性亦係我十分喜愛，
由第一次見傾到雞啄唔斷，
到大家情投意合，由心地到外型都係dream girl嗰隻，
咁唔淨止係呢啲拉力嘅，當然仲有其他推力先會成事，
下話？好朋友。
令我破防嘅，係極吸引我先會咁，
如果唔係求其一個都得啦，雖然阿yo成日玩嘢叫我追eman，
呢頭講完就話「算啦，eman佢唔會鍾意你」，
個心裝唔落咁多個喇喂，唔好玩嘢啦。
另外尋晚終於畫完一幅拖左幾耐下嘅畫，
撞正係妳生日先起好，好似唔是咁好意思lol，
暗示盡在背脊，其實都無咩，係時候解畫，
畫多次條黃金，用返12年個模改良到接近係重新畫過，
遲下會將個魚身轉返紅黑，橙色好似畫緊金魚，na man，
用紅黑好似好重幫派味，淺黃乃錦鯉原種，
用橙色係方便自己唔駛tune色tune到癲，
而且好似有啲乎合女性。
我好鍾意鯉魚，都係嗰句，或者係細個積落對鯉魚嘅情誼。
細個有大花園有魚池，入面有好多錦鯉，
享受無王管嗰種日子。
鯉魚背後有十字架，象徵住信仰，
鯉魚前面有兩朵菊花，瑪格麗特，
被喻為少女花，花語好似係"藏於心中的深愛"，
有啲嘢大家都知，妳都知嘅話，無謂講完又講，
除非，妳想聽囉。
但斷唔係妳拍緊拖呢段日子講。
我都知身為男朋友有其他佬去搵自己女朋友嗰股怒氣係點，
我應該不停被問候haha，
前幾日拍嘢見到係阿yo留言嗰度有個阿伯搵阿yo，
收皮，佢之前係咁騷擾我女朋友，但礙於用英文，
好多地道嘅性暗示我都無講過比瑤瑤聽。
即係咁講，早幾日見到個留言知又係佢，
有種想搵人去大大力錫佢嘅衝動，
其實都幾白痴，幾難得先可以叫個曾經撈偏嘅信耶穌，
而家偏偏想托呢類人辦事，點傳福音？
點都好啦，今日妳生日，我都諗左好耐搵唔搵妳好。
生日快樂，呢個係，每一年嘅慣例。
錦鯉刺青係中國代表財運權勢，魚躍龍門就可成龍。
我唔相信呢點，反而日本有另一說法，
代表愛與勇氣。
| 
