婚宴去得多，未試過出咁重手人情，
或者呢個會係我暫時最高嘅數目。
我遇上呢位上司，實在好人到不得了。
抵佢有個內外兼備老婆仔。
男嘅靚仔，女嘅靚女，高月入，
老婆仔仲要係空姐，羨煞旁人。

上司對我好好，但無信仰，
反而我睇到自己有好多地方要向佢學習，
例如黑心程度，我比佢高出應該唔少，
少理所有是非，專心工作，可以搞得掂身邊啲同事，
我對佢嘅評價好高，亦心願誠服。

好多時被邀去飲都會想知自己幾時結婚，
又或者盡情FF下個情境，
或者呢呢個年紀會咁幻想都正常嘅，
um…都諗左好多年，
結合咁多做助攝嘅經驗，
一直計劃緊成家立室嘅事，執songlist嗰類啦，
希望結婚當日可以透過電影去展現，
唔夢幻得黎依然固我，
何況，唔係咁鍾意朝早玩新郎要兄弟頂呢個環節，
我係真係當人係老死先做兄弟，亦唔想人地幫我捱呢啲義氣，
總之，有啲煩厭，太多不文遊戲我唔係咁接受，
但係把口就相當爛，其實我想戒。
同埋結婚拍片呢招嘅開山師祖，
嗰個我都識嘅，同門師兄弟咁囉。
人地拍wedding, mv有錢到自己開公司買樓養車，
我就日日寫埋啲無聊文件，
返完學夜晚先有少少時間畫下畫，剪下片。

或者咁樣，會更體會到一代宗師講嘅，
「人活一世，有的成了面子，有的成了裡子，都是時勢使然。」
有人能夠明正言順，有人就要偷偷摸摸。

我想拍電影，甚至我想成名，係電影頒獎禮上，
瑤瑤能夠係電視上見到我，想係佢生命中持續出現。
始終有數不盡嘅唔甘心，我唔搞住人，但係會不斷出現，都幾頂癮。
有唔少中學同學都做廣告model，而家有阿寶做萬寧指名模特兒。
ah ha，班花嘛，仲有好多師兄弟姊妹都向呢行發展。
有啲羨慕，但係憑經驗一定要諗方法轉型，如果唔係好快玩完。

上司覺得我有關藝術，媒體有一定天份，而且識咁多種類，
但我個人對方向感好差，認路只會係夜晚叫做好少少，
幾好呀，大家夾到。出黎撈至緊要可以夾到，
比我啲隊員更加易夾，只係唔係做緊自己鍾意嘅嘢啫。

再加上另一樣嘢我好羨慕，
佢地，拍左拖十年！！
一般七年打後就好易散，竟然十年！
夢幻般嘅故事，我都好想有十年拖拍到結婚，
就好似大雄鍾意靜香咁，犀利。
喔，上司更擁有唔識老嘅童顏。

最後想講講

一張相，牽然大波。
是咁的，對新娘子嘅姊妹無興趣，空姐同事無興趣，
反而有個以高登術語叫做好pure好true嘅待應小姐，
唔識佢，就咁影左張相就算數，無攞電話，
個人覺得佢幾靚，但唔係我鍾意嗰隻，
係有同事話想抄牌我先陪佢，如果唔係邊度有人幫手影相？
後來真係想抄嗰個掛住同第二個講嘢，想再影嗰時已經無機會，
佢飲完酒壯膽無功而返lol
但換黎whatsapp質問係咪又偷跳，na，偷跳好危險，
全公司都知我有幾癲，樓下班同事傳得好勁，
我真係就咁諗住影完就算，無諗下一步，
扮哂嘢咁講句，要見，一定遇到。

老老實實除左小公主同瑤瑤以外，無邊個特別想見，
可能見返以後會放低啲執著。

係有份人工高又穩定，好多人都比面我嘅工，
日日返工遲到遲到有舊肉球篤背脊比大家姐出聲話，
又係嘅，返八點可以過份到八點半先出門，返去車程要個幾鐘，再行幾個字，
咁返到去又真係幾礙眼嘅，雖則唔係成日都係咁。
個人黎講，歡樂時光都停留緊係12年尾。
初嚐成功滋味，有人追，之類，
總之我非常眷戀昔日嘅光輝，好唔健康。

近來更畫左

facebook無正式解釋清楚，估計會有人估係魚魚長大，
但寫到"if they don't left"，其實，呢個都係瑤瑤囉好嘛，
如果小魔怪無過到身，我地又無分手嘅話，應該會有呢個情境，
瑤瑤佢好鍾意貓，一講到養唔養寵物就同我單方面嘈，
如果係獨力湊大佢，會無咩時間照顧。要實行嘅嘢多到驚分身不下。

講咁多，係我唔想溫書，聽日得返最後一日，PK喇。

 返左咁耐，
我好明白除左上有政策下有對策外，
有啲工餘時間令公司團結嘅話題，
就係女，係去滾之後再討論交戰對手。

又有時，佢地會對我唔嫖唔賭感到疑惑，
就連仲係青頭仔同唔打J就覺得相當驚奇。
並唔係因為呢啲而覺得自豪，
更無宣揚我係基督徒而拒絕，
na，打從心底講，其實我好想品嚐下。

無向同事解釋咁多，皆因今日係朋友，
第日就可以變敵人，同埋都係無水R水吹嗰隻。

係呀，想有又點？

有所謂道德，有所謂戒命，對我來講，不外如是，
並非彰顯個性，要嗰陣就搬出黎，平時就唔理，
到有人指證嗰時就再搬其他嘢出黎擋住。
係交談上講幾句金句就相認為自己人，bullshit。

對嫖，我驚有性病，絕對安全嘅，至怕沉船，
錢銀都係其次，沉船先係最恐怖。
打J一般都會mix埋呢類：

就咁，先講打J，啲白膠漿由骨髓製造出黎，
一來班子孫出黎麻煩，二來骨髓好影響個人體力精神，
太多理想要去完成，無空餘時間玩呢啲，
打得多J會甩好多頭髮，骨髓唔夠更會隨時死，
何況我唔想對住老婆仔做個西部牛仔快槍手，
值千金呢樣嘢，明嘅。

再講AV，正常黎講，能夠收睇，其實係犯法，
係香港睇得，無可能係正版，若然花幾十個大洋去買碟，
都只係三合會運出，再係鋪頭出售，
而且種類繁多，全職男優只有七十人(腦海數據停留係08年)，
對住成千上萬嘅女演員（數字停係09年），
一啲都唔正，咪以為夢寐以求咁爽，有女食，有錢收。
男戰士們每次人工低過咕喱仍然要搬搬抬抬，
但礙於洗濕個頭有人認得，無得唔繼續做落去。
就當我勁鹹濕啦，唔怕認。
每次埋牙之後播下子孫，絕大多數係個煉奶開稀，
而且一日拍至少幾條片有唔同對手，鐵柱磨成針亦非難事。

及後，不論性病，就算身體檢查如何嚴格都易惹病，
當中有唔少挑戰膽量項目，用水蛆吸經血類，電鰻，
玩口水鼻涕屎尿SM，gay，人妖甚至變性人，人獸，大肥婆騎馬，
七個月大肚婆，點頂呀？
都係同一班人，點睇得落，我做唔到。
書入面就有呢類「另類」知識，真係不得不講句wadiu，
唔係覺得正，係覺得超越人類極限，睇唔落，頂唔順。
最恐怖就係封面同內容不符，小朋友，叔叔做媒體出身，
打格仔剪接同執相都係小兒科，cam man先係勇者，實地報導。

搜集唔少相關書籍，所以我唔會有興趣，
並唔係畏懼上帝，痴孖筋，地獄黎嘅，都未計NG。

同事成日係咁摟我令我都幾介懷。

何況，生活比房事更費神，
話雖無話永世都記得就一定記得，
好掛住瑤瑤，難保會變淡，
但今日所積聚，係第時會變得更卓越，
所影嘅相、有嘅畫作、寫嘅日記，
有日老喇，有日唔記得細節喇，係咁多樣零碎之中，
mark低，就會記得，如同刺青一樣。

除左人事以外，集中精神防範mason好，只可惜一人力量有限。