抱住侄女瞓覺，好舒服，
瞓醒嗰陣仲係咁摟我傾偈，
好似唔想我翻瞓咁，好可愛，
有如上年咁，攬住瑤瑤瞓，
瞓之前鍚啖，醒左又鍚幾啖。

好甜，好甜。

如果再有機會就好。

正因為暫時對其他人無興趣，
所以…同事們成日都以為我係gay，
由裝束去到行為都似，no，
我百分百鍾意女人，
只係未出現下一個令我傾心嘅人啫。
唔係扮眼角高，係我唔想求其，
拍拖好嘥時間嘥錢，無乜人值得我去咁去付出，
至於請食飯我都好樂意嘅。
當遇到啱心水，明知錯都會摏埋去。

ok我承認，我走唔返出黎，
上司差唔多結婚，我好羨慕佢有高月入，有個靚靚空姐做老婆，
係追逐理想嘅同時，好想有人明我，我亦都可以明佢，
要顧慮太多，若然問到，我比較想談一場普普通通乜嘢都唔求，
只想愛住大家無憂慮咁度日，
貧賤夫妻百事哀，有返咁上下身家又怕唔知幾時有人尋仇，
又唔知人地係咁貪啲錢多過愛自己。

好喇，就算而家話係想謀哂我所有嘢都唔會返轉頭，
泥足深陷。
如果…第日佢出嫁，我獻上絕技又如何？
我成日都覺得我學埋咁多嘢，全部都係為結婚用，
由印帖到排版攝影剪接可以一腳踢，
係爭化妝同禮服啫。

問心，我好希望瑤瑤分手，然後同返我一齊過住幸福美滿嘅生活。

好驚自己變壞，壞到無感覺，
阿爸我相信佢無做過太多壞事，
但佢個仔似乎有。

爸好威風，相反個仔就缺乏嗰種氣燄，
「吓？Hi auntie阿？是但啦，都用口講架啫。」
好似丟盡面子。

身為朝廷命官不應同天地會有任何瓜葛，
好可惜細個已經接觸開，今日比班real G捉左我返工時間飲酒，
即係咁講，我無飲，無論如何都唔飲，就當係信仰理由啦。
結果又比人Hi完一輪，灌都唔飲，成杯紅酒潑到全身都係，好重酒味。

唔係扮清高，好多時逼於無奈都要做好多犯法嘢，
呢個年代好多時做衰嘢好怕無人知，
實際上自稱之後，有無犯法同會唔會捉就兩碼子嘅事，
又例如稱上頭、尊敬嘅人、戲笑嘅為「大佬」，
其實已經犯左法，執唔執法就由政府定奪。
我相信爸爸只講例已經可以壓場，但個仔做唔到，
有啲駛橫手，有啲惡。

無嘅，想返轉頭啫，
想返返去不問世事淆淆下咁過日，
起碼多啲童真，可以追求下理想，追下女仔，
而家好似無人信得過，認為人人都係世界仔，
我唔想一直持守嘅價值觀扭曲，
我想搵人扶我一把。

高處不勝寒。

有啲人一路都想搵，一路都唔夠薑，
見返嗰啲人，可以話比自己知變唔係唔好，個心無變壞，
可以話我知呢個世界仲有人信得過，
甚至其位置重要嘅程度，可以令一個超爛口嘅人，一句粗口都唔講。

原來係呢層，我仍然會淆淆地。