farewell兩次，一個元祖以利亞家，以及已經消失風雨中嘅所羅門家。
到埗後，請多報平安。

珮而，係一位好有耐性嘅導師，以及係佢眼中，我異常地特別（應該唔止佢一個咁諗），
開初有好多唔協調，成日話佢個樣得廿幾歲，
實情已經三十out竟然要同個小朋友鬧交（當時好似十八歲），
到而家我過幾年就三十，就懷念下當時咁幼稚。要告別香港兩年，應該好快過啫，
係無得睇珮而經常性比我搞喊，I mean開心到笑到喊嗰隻。

好多好耐無傾過偈嘅人，例如前排放工撞到嘅興嘉，或是以為我讀書設計嘅柏詠，
sorry，我追唔到人，嘥哂妳啲心機。
「設計？讀完啦，而家做緊地盤佬。」

只希望兩年後返香港見到我，係一排朱古力，而唔係接近臨盆嘅肚，
當然如果可以，都係嗰句，有拖拍的話，我會帶黎見大家。

 是咁的，

當一件事洩露左出去，
只要聯想到我，就一定關我事，
甚至，係我爆出去，係我報串，
我唔係話我從來無講過，由一出世到而家都口密，
只係有啲大事爆左出去，真係唔關我事。

有啲幾年前累積得返黎嘅印象，
謠傳之下，我認唔認都係咁上緊，
呢種鬱悶，係幾個月內，相約不同舊朋友食飯，
慢慢解開謎團，其實都唔係話想特登追查，
只係咁啱講起，咁多個食親飯都咁啱，sor。

然後追佢地點解會知，
原來係某位係佢地眼中好守得秘密嘅人講佢知，
喔，又估係我講，喔，又要食死貓阿？喔。

都唔係一個人覺得我係咁，係一班人，
shit既然係咁諗我做朋友仲有咩意思，
我話過我收風速度快過一般人好多啫，
喂大佬咁特登走埋黎同我講我割左對耳佢呀？

我同人講可以建立同其他人嘅友誼麼？
可以有錢收麼？乜嘢著數都無就屈係我講，
我都習慣左比人話有運毒穿耳紋身食煙甚至係社團打手行古惑，
都唔係教會咁覺得，連係公司都咁樣比人以為我曾經從事相關工作，
或者啲工人就係因為咁樣驚我，但我真係無做過，
將所有負面形象加落我度，點解唔檢討下自己個心先。