當親眼見過一個活生生嘅人變成一pat肉，
我諗又係急促成長嘅一環。

要處理骨折填表遞表雖然大部份都係上司搞，
但已經夠哂忙。要安慰傷者問返個事發經過，
我就仲未有功力頂哂，甚至有啲唔明，
爸爸點解可以咁輕鬆就處理到總公司去到分司受傷個案。

甚至各高層我已打個招呼，早前大老闆閉門會議我都有份出席，
我都諗緊點解要咁做，
爸爸差不多約齊一班退休或是老頂之中嘅老頂聚首，
係聽晚集體開片睇書仔，
開始草擬修訂法例及講下政府點樣quote錯例執錯法。
有啲情況嚴重到要炒，但又放佢地一馬，
結果一聽出於邊度都對阿老爹佢地都退避，
或者係咁樣，auditor都當我係小朋友之餘都恭恭敬敬，
我都係鍾意不停比PM小多啲，大家有流利粗口互相交流。

我個職位，細到不得了。

阿爸約哂咁多個討論擺哂酒咁樣，查實都約左一段時間，
不斷問我幾時得閒，噢好喇，約齊就係我唔得，聽晚要返學。

其實呢，我唔想咁快就孭咁重飛，
我覺得係我未打好根基之時已經諗緊點樣過人脈比我…
而家唔淨止瘋狂，配合埋咁多嘢，同個梟雄有乜分別，

我都係…想做個導演仔，得閒影下相，
做個有個家嘅說唱家，一邊rap一邊氹老婆咁啫。
 

 話說


想畫托奇好耐。
係想畫關於信仰嘅人物，又想畫北斗，
以基督為藍圖，北斗最強，銀髮之聖者，
二千年驚世奇才，華麗柔拳托奇。
就揀左佢，下一輪嘅聖經人物就係殺人王。

一生都只為人地著想，一生都只同約定戰鬥，
就連愛人都一拼托付比其他人，一生只有孤獨。

上次好次唔記得介紹呢張。

然後，呢張…唔好意思，我太掛住人地。
呢張嘢有些少來頭，源於有一次去板長同娘親細佬去生勾勾食壽司，
佢，差唔多除左三文魚以外所有刺身都唔食，
每樣嘢都就佢，係阿媽面前係咁讚人地個女，講真，瑤瑤同阿媽好傾得埋，
阿媽好鍾意佢，佢應該都好鍾意阿媽，就算係而家，阿媽間唔中都會問人地近況，
但係，我唔想知。

唔係我唔再愛甚至係憎，而係我唔想比自己更傷。

無嘅，分手一周年我都唔知應該做啲咩好，前提我對人地仲有意思。
嗰日，阿媽偷拍比我發現到我有少許呻笨無攬住人地影，我，真係好掛住佢。
唔係王子再提板長呢一鑊，我未必會諗住畫。
坐係六人枱卡位，餵人地食火炙三文魚壽司，拖住手陪人去廁所，
攬住一齊瞓晏覺，細佬仲扮哂嘢係度裝我睇我有無搞嘢，no la。
我係想，人地無話唔比，不過我無做到啫。

我驚我整污糟，可以話唔配呱？

或者我愛瑤瑤愛得純粹，所以…都覺得瑤瑤愛我愛得純粹。
即使係同女性朋友簡略一提賽後檢討，
佢地都一致認為唔搞佢係我自己笨柒，
又或是，我愛得成熟？ don't know，其實我覺得幾幼稚，
起碼到而家我仲掛住人地，仲愛人地，我諗呢個應該係一大敗筆。

甚至我覺得自己唔夠癲添啦，成熟？我鍾意讚我痴線多啲。