新年。

記得舊年新年帶左女朋友見家長，
媽媽拿拿聲極速裝身封利是比女朋友，
然後落街接人，瑤瑤係都要化妝，
我就話「唔駛啦，媽媽好隨和，而且化左對皮膚唔好。」
……
都過左去啦，
啲碎片每日閃啲，每日閃啲。
好似每日不定時桶自己幾刀咁。
痛，好痛。

唔知係咪因為完美主義，
覺得要搵到個完全乎合心水嘅先會覺得有feel，
以往唔係無嘅，有sherrie，Kyee，仲有兩個壓軸，
一個妳，一個佢。
或者咁會易分啲，唔駛下下開名，
亦無話邊個親啲邊個疏啲，事實上係"妳"出現先過"佢"先會咁區分。

丫係，
我真係好鍾意佢，
除妳以外，唔計萬千寵愛令人甜到人人都聽佢話嘅侄女，
應該係第二個令人激起極強烈嘅情緒，
瑤瑤出現，乜感覺都齊，當中狂喜最多，悲傷比較淡，
分手後每日渗少少，或者奠定左我以後搵新女朋友嘅準則。
又可能，今次會係最用力嘅一次，
之前一路忍手，成就今次，下一次，唔會咁瘋狂。
或者下次會係25歲，30歲…don't know，
好似好難搵到個各方面同我都貼近嘅人，
有人聽左相同之處，都覺得無乜嘢，通街都係，
但係…一兩項就係巧合，超過八成都似，
以及撞手神兩個人都做平時唔做嘅事而相遇，
一切都好奇妙，只係完得太快。

新年喇，係掛住女朋友，
而我更想，同妳食個開年飯，
有好多驚心動魄嘅事想同妳分享，
就連sunny都唔知。

我唔願意任何理由，任何身分，薪酬多寡而令我地變得陌生。
又唔知點開口，點解夠膽可以單拖去battle，夠膽唔識死去判頭個場，
偏偏呢啲嘢會難倒我呢…

再講任何乜乜會，就只會愈黎愈覺得我恐怖過法輪功。

屋企人個個去哂旅行，屋企得我一個，
做完嘢又開始亂諗嘢，回一回神，已經天光，
七點喇，夠鐘繼續工作。
 

 近來收到公司有加薪信，
老實講，有就當然好，無嘅都無所謂。
我個心，始終唔係度。
有人話返工為左錢，我就經常係度諗到底為左咩⋯
為左面子至少要用兩年時間。

或者，全因為臨近考試，判頭捉左我去食飯，
爸爸無幫我，反而推我一把，
結果被逼食呢樣飲嗰樣，晏晝食完公司團年飯，
自・助・餐。
夜晚都無預到要去食飯，
結果，佢地無乜點食，
我食到咁上下，嘔到hihi，

好似千與千尋隻無面人咁，乜嘢合法進口嘅山珍海味都食盡，
然後嘔滿一個酒桶，連同晏晝自助餐嗰幾碟飯。
即係無日乜柒都無食過。
幾萬蚊嘅食物，一次過嘔突。
反而去到廁所黎多鋪嘔血，
再照鏡，成塊面紅到隔兩日仲殘留住，頭痛持續好幾日。

食完飯，判頭係上水放低我，
咁橋係女朋友屋企附近，以前成日去嘅store，
買完野飲一心想返屋企，誰不知一直挨住store捧牆，起動不能，
呢個情況，更加似無面男，
判頭第二朝以為我去左嫖，one night stand，
ayo, really one night stand，企足一晚，
唔係話想等到瑤瑤出現，again，有就當然好，
事實上我驚郁多一步又嘔多次。
呢個情況，就更加似無面人，棟直。


返到屋企無同爸爸交談，或者都知互相嬲緊大家，
一開聲只會嘈，
係嘅，大家都知道對方一嬲會點，
人地覺得我地兩仔爺成個餅印咁，由談吐，習慣都一樣。
但我就覺得唔似，至起碼我無咁把炮徒手裝修成間屋，
佢唔鍾意hip hop，之類。

至第二朝，對話唔多，臨放工時聽到阿爹同同事傾偈
「我叫到佢佢就要上架喇咩。」
好入心，亦好傷心。
既然知我反骨，我亦順從住父母，到底，佢地知唔知我有幾大嘅忍耐。
幫公司畫圖影相全數用私伙，淨係拎都無計其他成本，
話要揸正做，又有無揸正返比我，比返住額外嘅糧我呢？
眼睇十幾分鐘就做完，我用左十年時間去學呢啲又唔睇下。

我到底可唔可以係工程界生存呢…
好似到而家都仲未磨合到。