近來多了點小玩意，翻睇過往的日記，
當當年今日咁睇，對外公開只得2013年4月打後。
有時會睇嗰日，有時會成個月咁睇。
都寫左差唔多十年，變化都咪話唔大，
文筆都改變唔少，又或者少左啲日文拼音咁，
學完，都唔多記得啦，家下少睇少聽少讀。
都有九年幾，算係元老呱？
以前好鍾意整個layout，而家懶得整，頂多換換幅圖佢，
或者我已經搵到一個最舒服嘅閱讀方法，唔需要太花巧。
話哂（係嗰時）寫html嘅尖子黎lol
有咩變化，
例如從前係朋友嘅，而家面都唔想見；
又例如以前立場敵對嘅，而家會好關心對方生活；
例如增加左家庭成員；
例如由爛玩嘅變做超級爛口嘅；
由魯莽對上主滿腔熱血變為專做壞事對教會又極為失望；
由個心只得一個變為有兩個；
一個供奉又好乜都好，另一個就想設法搶返黎。
兄弟歸兄弟，情人歸情人。
單單係呢一年做左職安真漢子，
聽歌曲風已將九成hip hop轉左一半聽普通話慢歌，
一旦停頓所有嘢我就好容易失控，
所以會用普通話黎做安眠曲，
另外寫少好多歌詞，我想浸耐啲，
靈感到、melody到、flow到就寫，
到時有意境有情感有故事，我想，呢啲歌到六十歲都rap到。
我相信，任何戲棚搭景點拍都需要我，考好個牌，滿師就落山。
無嘅，全日就剪十秒都無嘅片，剪到滿有挫敗感，咁都剪唔好。 | 
