好迷惘，呢個年紀仲有呢樣嘢，
有無搞錯。
對職位好唔知點，通稱叫A仔, assitant，
但其實我唔知叫咩，入職title叫supervisor，
電話叫officer，就連牌頭都極多，
做啲嘢都咁上近。
呢啲都係少事，
有更大問題關於守法犯法，
有權力定義告票衰邊項，罰款罰幾多，
面對一班大佬似住同對家大老闆s熟到爛jer就當我無到，
「唔想玩殘你就唔好咁多事。」
老實，我當然唔係怕無前途陰乾我之類，
反正家族大部分人職位都唔係低，
我只係諗緊，點解上司旅行，
阿爸搞新合約，我接手之後，啲劣根性可以出哂黎，
或者當左我係自己人先咁樣呢。
炒我都好呀，唔知幾想。
今日又見到敏敏，好得意，
真係好似瑤瑤，尤其笑起上黎對眼好似識講嘢咁靚。
但係呢…呢啲唔會係我返教會嘅動力，
下話，我咁受班妹妹歡迎。
或者我有啲啲大個左，想係班小朋友身上搵返對信仰嘅熱心，
即使教會安排如何失當，同工們嘅言行如何比我更差，
我都想係班小朋友身上搵到嗰顆心。
家裡再添一員，原本留比小魔怪，
但近來黎左另一隻五個月大嘅貓，
佢叫子喵，大哥佢地鍾意叫梓咪，
梓解在木頭，或皇室稱呼，器皿(eg 梓宮，皇帝棺材，梓童，皇后）
而子則解作幼小，所以我鍾意用子。
有更大原因，同子瑤個子一樣寫法我已經好開心。
講返轉頭，
新環境佢好唔慣，成日係度叫，不過好痴身好嗲人。
| 
