長篇記述，電腦終於整到咁上下，可以入相。

之前參賽，感謝大家

於暑假時段，去左教會一年一度大壇嘢營會

 於是乎，新機終於可以有機會發揮，
以半事奉半試機去參與營會。
正如詩班一樣對件事有要求而要專業要練，
攝影呢樣嘢一樣，只係人地端莊啲。

關於營會人事問題，有少許不滿，
檢討會上有人暗示制止我有爆發行為。
係工作上嘅兇悍，並不打算用係教會上，
所以不要咄咄逼人，我會還火。
唔好扮哂蟹。

及後因為公司知我對攝影有些少研究，
就叫埋我去同啲區議員影相，又或者係影賣旗啲活動相。
老老實實，比佢地知我識呢樣嘢，就連部機都要用私伙，
拎上山太陽又曬，真係重到唔識形容。

之後又去拎貨，um…可以話係攝錄界最新科技，
兩皮幾又輕鬆用左。
呢兩月用黎買器材嘅錢差唔多係過往嘅總和。

仲有……

好開心，可以見返個好想見到嘅好朋友，
由去追，追到變返朋友嗰種感覺，
應該係趙薇黃曉明嗰類，
但係有人問我，我唔會再追落去。
礙於係四年幾前過如果舊年追唔到嘅話就唔再追，
或者係……我鍾意左第二個。
唔用力拋低開放自己個心，更唔會鍾意第二個，呢個我知道。
年幾前更有個美好嘅戀愛，雖然好痛，到而家都覺得好痛。
老實唔係佢出現，我未必肯去學放低。
又或者一直誘導我，先再慢慢離棄我。

人地仲有無拍拖我無問，亦唔想問，
也許係彼此間嘅禁忌。

年幾前因為女朋友而得罪好朋友，而家見返，邊度識講，
話係朋友又唔止，話戀人又唔係，兄弟大家始終個性別唔同，
起碼，大家有好大程度嘅信任。
從今起，佢就係我嘅合夥人。

偏偏係我想放低投入另一段將會更痛嘅感情嗰陣，
好朋友就同我見面，呢樣嘢可以點形容？
 

 都係呢度，較為全面。
又算唔算係解話，或者算，畢竟若以公關手段睇，
用facebook過度抒發情感，大不智。
所以略為以黑色幽默帶過，印證住成長，以及心動。

細個唔會做，麻雀鋤dee，sor，到而家都仲係唔識。
唔會做係因為唔想做，前提我目標係唔返工，
搵到自己鍾意做嘅事就唔算係返工，係仲辛苦過返工。
厭惡事有唔少，有人曾經話我好假，嗰陣強烈反對，
而家我承認，有陣時假啦，做到人格分裂咁，好難做，
對下對住工人，對上有政府要員，
淨係粗口同語調都分量唔同都已經可以睇得出。

接觸hip hop黎講，現階段都只係接觸，
自問未去到深入了解，大大話話，
由寫第一首開始已經有十年，但係咁多年黎，進步得好慢，
有後浪追上，同年嗰啲已經有一定名氣，
不過16bar對我黎講，難度唔高。

以為攝影師好勁，係電視睇到嗰啲，就算個樣如何咕碌，
係佢枝鏡下，都變專業模特兒，現實係你影相搵到大錢就型，
如果唔係淨係養枝鏡都幾係嘢，為確保質素，試下每年cal一次就知幾和味，
而家我有九枝，有四枝常用，開支好貴；
其實好鍾意畫畫，直到上IVE先認真學，奈何細個無畫開，
只可用電腦畫，咁畫會比較靚，而且遇上瑤瑤，更有心機畫畫。
覺得自從識左佢之後，畫親嘢佢都好似係隔離指點緊我咁，
哈……形容得好思覺失調。

細個以為，只要我夠堅定，只要我付出真心，就一定會得到，
可惜嘅係，事情不如我所想像般。
細個好憎人講粗口，偏偏返工模式就差不多句句都要加粗口。
以為自己因為鍾意一個人唔會變心，唔會拍拖，
好慶幸有個小姑娘以我心目中嘅dream girl 咁出現，exact7ly係嗰款，
曾經，係未識到佢之前講及係我眼中外在指標點樣為止靚，
嗰陣就只有好朋友知道，識左佢之後每當有咩要求都會講。
最大係內在更吸引我，有同樣目標同樣嗜好，
除左聖經上誡命以外唔搞嘢，亦都係愛好相同而唔搞，
好啦，我認其實我想，但我諗愛係性以上，就當係暫時忍到先咁講。
而家分開左，想係四年之內唔拍拖，睇下到時我係咪有啲成就，係咪仲咁愛佢，
又原來，係分開後年半，我好似發現到有另一個鍾意嘅人。
唔想即時斬纜，恐怕愛意唔會減，話雖唔係起誓，
但係我曾經咁講過啲白痴嘢，我就想遵守埋佢。

話哂佢都未曾undriend我。

我唔會理人感受，好霸道，
但如果係鍾意嘅人面前會千依百順，乜都問左人地意見先，
所以，我唔識追女仔，更唔識拍拖，係唔適合嗰隻。
或者，又要有請忘了愛出場

過去係點，都唔及而家緊要，
假若我真係下決心要追到手的話，
得手後決不分離。