公然hea底，其實我都覺得咁唔啱。
但係返八點鐘，公司所有人九點左右先陸續出現，
一般情況我都維持係九點半前返到，試過幾次八點到，
由於自己無車，真係好攞命。
好似好要不得，但係processing功率極高，
或者咁樣又定左以後(如果有機會)做老闆嗰種手法。
返幾點唔理你，至緊要要你嗰陣你係度，可以準時交貨就唔理你。

我都知準時好緊要。

一直密謀緊自己幾時可以發圍，唔緊要啦，慢啲啫。

因為無睇準時機，我比家姐鬧；
因為無把握好時間，我輸左去凝聚班crew嘅最佳時期；
因為輸時間，我無埋個女朋友。

又或者，我成世都係咁唔睇面色唔理場合唔理時間，
直到我撤底改變，或許會換黎一線希望。

屋企個上網死左一段時間，
然後一有時間就畫

或者，我發現我係癲得好嚴重。
有幾個知咩事嘅特登走過黎話我知周迅結婚，
二話不說，立即跳掣。

比我繼續鍾意人啦好嘛，
我驚我會頂唔住。

其實，反正真心嘅都唔知有幾多個，
我求真愛啫，人地唔係嘅話，
有錢就可以解決到所有，
習慣用我啲錢，到要走嗰陣又可以再飛筆錢出黎，
唔係掟煲費，係有膽就用條命黎換。
當然呢個係唔夠愛人先會咁做；
噢當我廢噏囉，反正唔夠鍾意人嘅話我唔會一齊。
唔知呢，呢年裡面我已經做左好多我之前唔會做嘅事，故事待續啦吓。

殺人王參孫，臨死前最後一擊，我繪製了。
「耶和華的靈大大感動參孫、他臂上的繩就像火燒的麻一樣」
「非利士人將他拿住、剜了他的眼睛、帶他下到迦薩、用銅鍊拘索他．他就在監裡推磨。」
「我情願與非利士人同死」

由畫完北斗之拳後就想畫，之後因為收到個消息，算係一個打擊，
就諗到其實可以用參孫呢個故事希望被單打嗰個可以被點醒，或者係小醒。

忍左好耐，由讀緊year2知佢書都未讀完無啦啦結婚，
啲相…個新娘唔係靚，都估到係搞大左，嗰陣諗都唔緊要嘅，應該係真心相愛呢。
點知後來結左婚出去偷食搞靚妹，入冊剃光埋，以為知衰，
憑住教會有大律師幫手減刑，重刑罰瞬間用好短時間坐完。
順帶一提，佢啲口味……搞親都唔靚……
佢同我，雖然係唔同教會長大，都叫自細浸經文浸到大，
知道呢啲消息充滿好多怨氣，又未至於失戀般失控。
佢教會內部憎到佢痴肺，然後佢再轉去另一間教會過佢嘅虔誠生活，
PK而家就算係合法合聖經經文，佢老婆痴心一片地同佢生第四個仔出黎，
仔又唔識湊，全數交比教會，自己就繼續風流，完全係腐蝕緊香港嘅資源。
得閒就扮無嘢搵我買保險，都講左幾多次唔買，都仲要猛摟人買。
如果佢有參孫嘅體力，應該無惡不作，甚至去到最後都不知悔改。

參孫，一直都想畫，而頭先講件事，一直催化我去完成。
參孫受好多經文規條下長大，一出世就由上帝特許去做好多事，
至起碼犯錯，佢並唔需要好似其他拿細耳人咁剪髮獻祭，
甚至係好多係教會文化下長大嘅年青人寫照，
支派去向，大概都知，士師記幾熟，尤其對於拿細耳人以及參孫嘅記載，
坦白講，無論我留幾長，都唔會有參孫咁好打，
不過我同上帝嘅遊戲規則就係咁，唔需要刻意去求證，
反而係十七歲之後到而家，我好似明白更多點解係禱告之間有啲咁嘅回應，
我好鍾意半醉呢種感覺，飄飄然，但係一定左之後就即戒，
覺得流長髮好唔方便好熱，同時有返咁上下唔捨得剪，
但係一干犯到所定嘅協議，第二日即刻剷光。
呢啲行為好似好門面好無聊，
所以除左屋企人同真係好熟嗰啲朋友，並無提及過點解要咁做。
呢個遊戲玩左咁多年，除左明白剷光比啲頭髮生返係象徵重生以外，
長髮亦都係對生命有所承擔，你估男仔長髮真係咁好玩咩。

再講講一女子，大利拉，如果我係參孫嘅話，目前大利拉呢個位置，應該係瑤瑤。
我知墮入情網嘅人有幾蠢，我卻在網外看嗰陣又會想變做入面嘅人。
係好難受架，鬼叫我咁鍾意人，即使係只存留係一刻嘅感覺，仍然好正。
早兩日搭車，企前面嗰個女仔好似瑤瑤，我好想叫，到到坐隔離，更想問，
我唔係怕認錯人，而係…其實…我怕真係佢。
甚至係怕一見到佢就嘴落去，太掛住。