|
已去到第六版 raw demo.
本來極力剪走穿崩鏡頭，睇左由ver1一路改落去，
再發現，PK就連最尾一幕都穿，已經柒到無得救。
而家只可以由配音著手，努力chok聲啦吓。
做導演做到咁咪話唔灰，
send比啲阿sir睇個demo睇下有咩改，
倒頭來無覆，然後，以為可以瞞天過海，
誰不知阿yo都覺唔好睇…
老實講，我只係睇下可唔可以呃到大家嘅眼光，
shit咁我對外，啲評價應該幾差下。
而家要發圍就唔可以行無厘頭無聊數線，
一定要好睇，一定要夠爆，
第一條印象好緊要，定型都係由第一鋪開始。
我相信我可以做得更好。
影評自己人說話就當然客氣，係街就唔一定咁講，
多數有幾難聽就有幾難聽。
有人覺得我拍段片…
有說個對象係小公主，有說係瑤瑤，又有說係趁機追阿瑤，
na man，兄弟歸兄弟，情人歸情人，
返工睇，放工又睇，lunch都睇，少不免有同事望到段片，
或者，憑住眾多前科，我都唔怪佢地懷疑我，
當初問准Middle個原意係……突然想睇福音戰士而問佢，
嗰陣係到諗緊部機同個駕駛員同步之後暴走嗰個”同步”，
之後就問人可唔可以拍，原因或者好牽強，牽強到我自己都唔想解釋，
畫完EVA無耐就問作者，一問，一年後面世，呢個行動無聊得好有意義。
又難怪，即使心態唔同左，大家都知，我自己亦唔否認我仲鍾意小公主嘛，
另外唔介意人地話搵個叫阿瑤嘅女仔拍嘢比阿瑤睇，
有住咁上近嘅打扮去叫人回心轉意，當我發現我都跳左掣一陣，
但係反正都唔係影射緊佢，亦都無話比佢睇，見到咪…對號入座囉。
到阿yo嗰單，咁對上亦都係咁上下而一齊左嘅，
所有懷疑都好合理，係最真實嗰個理由就最唔合理，
或者，佢地唔會明痴線佬嘅世界係點。
另外，畫左星矢入面最強聖鬥士撒加同女神雅典娜，
同樣地都係鍾意對號入座就自己搵位，
畫呢幅嘢除左係見到人畫自己抄一張重畫之外，
係打機抽蛋抽唔到雅典娜。
 | 
