就咁，
同同事食餐散水飯，係咁屈我鍾意個龐然巨物，
由於外號眾多，暫稱為肉球好了，成個波款的肥同事，
我知係搵我黎玩，但講到另一女同事，
對，就係嗰位好似好朋友嘅同事，單幾個月前調盤去左另一單project，
然後有位男同事同佢有公開地下情，
即個個都知，唔知同公司嘅屋企人知唔知，所以多數係車講，
由唔同盤嘅同事交換情報得悉近況，
老實唔係我一個咁做，全公司都一樣咁做，
而且守住秘密，不宜外揚。
似還似，我睇好佢地咁匹配。
當嗰位男同事在場，由其他同事質疑我鍾意嗰位女同事，
係丫，但只限於行為同個樣似嗰種好感，
而且公司內所分嘅派系，斷唔係憑住親密關係就可以化解。
感覺好奇怪，亦唔知點向啲同事解釋，
我諗，身為男朋友又唔開得聲片我，應該會有啲介懷，有啲不憤。
然後再講教會，係咪我太白痴太癲而導致，
已經有人將玩笑當係真，
係咪想嚇到新人唔返抑或係整走我就唔知喇。
就算講及花心，咁多年黎都係得咁多個就係咁多個，
鍾意一個明星好易，但以真係能夠相處，接觸過，
由認識到愛上，難，好難。
又係咪，要係銀包放張恩愛相先可以證明自己有幾愛，
na，我所認識嘅男性，好多都有去滾，即使有家室。
一來我好驚我會係下一個，二來我接受唔到我掂女朋友以外嘅女仔，
幾秒接觸都OK嘅，我想講係錫嘴仔嗰類，
又或者已經癲到無人相信我唔會亂咁開始，
話雖衣著hea底，比人感覺都係似playboy。
想見到靚少少嘅都話正，話鍾意，
見到人地女朋友，人地老婆都話唔錯，
反正都係無可能，反正講咩都係無人信。
我唔能夠強調自己係點樣去博人地同情，
而且當敵人知道，更會用黎做攻擊目標。
反正我都唔再相信什麼精誠所致金石為開，
唔係話無用嘅，只係我想追嗰類應該唔信呢套。
由格鬥到愛情都喜歡猛攻，務求一次擊倒，
若然失敗下一秒就輪到我hihi。下下玩到大包圍邊度好，
反而，我認定左咩類型係我鍾意嘅，傾囊相授又點話。
感謝上主比我愛上妳，愛上佢，
時間無論有幾長都覺得短覺得唔夠，
就咁消失個記憶應該會最美好。
其實我唔理有無試過鍾意我或者而家憎唔憎我，
我依然愛人阿，其他，關你春事咩。
係咁，就咁。
| 
