係camp site入面，roommate 有佢地傾偈，
我有我對住部上唔到網嘅電話發吽逗，係好眼瞓，
但更攞膽係我匿埋係最角落頭嘅上隔床，
慢慢地感受到被刀劏開嘅痛，事隔一年，終於流眼淚。
唔係攰，亦唔係眼炎，我知我真係喊，
係一個咁歡樂嘅氣氛無啦啦喊都幾白痴。而因為瞓上格，無人發現。
終於蘊釀到，可以谷得出。
心痛同眼淚，係過去嘅甜蜜，即使之後係苦，係記憶入面一直無變過。
憑住呢段關係，我好似仲留住些少情義，
未至於太殘暴，至起碼無返工嗰種「雖然我都唔想，但係你唔死我死」嘅做法，
掹衫尾入場，入到去大部份處事都無跟足阿爸，
更犯上大忌，頂撞老闆代表，同判頭混熟，之類。更有時係犯法邊緣。
我從來無入過三合會，無興趣同mason辦事，
奈何間中要打交道，或者咁講，
我係未夠格同mason打交道，夠嗰啲都係阿澤同誠哥級。
我好想搵返昔日待人之心，唔係瑤瑤搞成，
係在商言商嗰種心得。要搵錢就不能有太多慈悲。
而家，係工作上要學習放低責任，係咪有強烈使命感呢？
又覺得成日都比阿yo鬧「你放低呢兩個女人啦，忘記佢啦」，
我覺得，反而係呢種關係上，搵到原來嘅自己，
維持自我中心又要互相照顧嗰種自殺式瘋狂。
家下仲有不少火氣，成日都覺得炒左我咪返去揸機影相做返本行，之類，
但係呢啲本錢會慢慢無哂，三十而立，
到時仲未搵到自己條路，餓就唔會餓死嘅，
真係僅僅夠糊口囉。唔花時間拍拖，就落力實踐能人所不能嘅野心。
我把死人口玩嗰陣會好甜，認真就掘到插死人，
加上有把長頭髮，基本無乜女仔會鍾意，即使覺得我係點都好，
個心依舊，行為依舊會亂黎，今時今日有咁嘅生活，大多數都不按理出牌而得返黎。
返正題，今次第一次搞全教會營，
主要服待小朋友以及弱智需要特別照顧嘅一班，
第一次搞，算係咁。
有說好感恩好感動，但我似乎無絲毫謝意，
睇到班小朋友，尤其智力有問題嗰啲係得到教會傾斜支援，good，
但其他就忽視左，即四歲以下嗰啲，老實弱智有好多智商維持係七歲左右，
四歲以下嘅其實咪同佢地一樣？只係力氣無咁大啫。
住宿方面我覺得教會嚴重失當，膳食camp site知我地好多時無得買小食，
於是有兩晚寧舍少飯，臨走嗰餐叫好少少。
係camp度發現有個妹妹好得意，叫敏敏。
睇落好有瑤瑤細個嘅感覺
仲有個可愛侄女
叔叔請食雪糕添
以及藍藍
 巧藍媽咪都唔介意，仲叫藍藍走嗰陣抱多我一下，
話說有導師要放低幾兩，叫我幫手坐係隔離睇住敏敏，
之後無回得切神有小朋友跑埋黎，都無乜點為意係藍藍，
問都唔問就攬住我再坐上黎，捉住對手唔比走，
後來佢起身以為佢坐得唔舒服跑左去，我都打算動身睇其他小朋友，
之後又跑返黎又要坐多次大脾，坐左大約半個鐘呱。
之後有唔少小朋友都係我身邊坐住要我幫佢做嘢，搵我傾偈之類，
敏敏家姐仲叫我叔叔sosad。情境好似個阿伯抱住啲孫係野外講故事。
又話藍藍係冰山美人嘅…？不停撩我講嘢喎。
嘩我頂，原來我咁靚仔。
| 
