我愛妳，由細到大都一樣，
我愛佢，就由妳斬釘截鐵開始。
除左返到屋企睇網路大戰浮面由觀火變為參戰一份子，
將係屋企嘅黃金一小時食飯沖涼剪片畫畫集成嘅時間，
分一半時間去支援香港一份子，再用返枱機剪片，
瞓覺就熜左佢，放工返屋企再開返，
始終自動打得耐唔睇嘅話唔知會唔會成為目標。
無咩嘅，每晚係張床嘅時間得三粒鐘，計埋車程有四個幾鐘瞓，
但係體力大不如前，每次一操返都知體能直線下降，學任何嘢都無咁快，
係度諗緊呢年，到底搞咩咁博命…
以前博係為左想大爆一場，一鳴驚人繼而招兵買馬開公司，
ya, I hope I could be managing director yo.
而家淨係識用時間買錢，工餘又搵錢，
最大原因莫過於瑤瑤。
大部分係女人，有部分係電影，又有部分係些少心頭好，以及多寶獎禮金。
我唔多想搵錢，一個人浮浮沉沉咁過活而變得富貴，靈性或是內心嘅善心會比較硬淨，
反觀一直平步青雲而有錢，靈性就相對低，好低。
或者係我身邊缺乏一個可以講心嗰句嘅女人，可以帶走任何負面，甚至係有正能量提供，
有時，要被逼做啲犯法嘢，可能，而家會驚驚地，難保有日會習以為常，一切都麻目。
「基督徒黎架喎，講粗口！？」
「咁又點？紅燈你都過馬路，一個講一個做，邊個大鑊啲？」
情況就大約會係咁。
一個唔識得去愛嘅人遇上一個識得愛嘅人，到到由唔識變到識，識愛嗰個就離開，頭也不回。
我發覺男人，或者係我一個，要得到個心好簡單，係最無助最貧困嗰陣扶我一把，
不離不棄就可以全然愛上唔反悔。
只可惜再有多幾次大打擊之後，由再慢慢企起身，瑤瑤都係走左。
心阿…好掛住。
到我有錢，身邊再出現新識嘅女性之後，我諗好難會話以為人著想為前題。
世事難料，面對住好多生死問題，斷唔係類似銀行職員講是非就曉得人心如何，
人有幾多成就，幾風光都好，係死亡面前就可以否定所有財氣。
不過咁，其實我都幾難有錢，如果要完成目標，我諗…都要座底一千萬，
用五百萬拍電影，其實嘅買層樓住下又幾萬百，其餘啲錢用黎買器材，
老老實實，好似好唔踏實，又邊有女仔肯埋身呢。
就算係而家，都要白做三個月先可以供起一格階磚，樓，點買呢？
經常都講，除左導演以外，最想做就係說唱家，
成唔到家又可以點樣持續做落去。
啲人會係我成功嗰陣祝賀我，欣賞我份堅持，
但係我未成功之前就話我虛度光陰，
呢啲情況遇唔少，而且多數都係同一班人。
日記變週記，每日打幾句打左兩個禮拜sosad
| 
