將思念不斷轉化，似乎成為一定程度動力，但我也知道，那是不健康的動力
昨夜畫好，總比在床上輾轉舒服。

老是這樣說，比facebook版本更好。

畫得漫畫化，不知的仍舊不知，知道的，一看便明瞭，
說實話，我很想念瑤瑤，日以繼夜般。

我遇上一位老師，她應該是一位好老師，
我的畫功，有一部分是受她影響，
她很嚴厲，要求我把線畫好，打陰影不忘加入個人風格，
總是一直督促著，下班後每次也會問「我頭先係咪好惡呀……？」
不，我很喜歡，要是我們有孩子，她必定是賢妻良母的那種。
那位老師就是瑤瑤，不用開估也知道的答案。

穿搭常常不謀而合，我很想念她。

察覺到我的思想似乎被她改變了，
她認識我初期會問我是否獨居，
後來因為居屋公屋問題爭議好一陣子，當然我是光速認衰的敗方。
老是不著重金錢的，現在變得相當看重，
以及那種漠視人的狠心，她離開以後，我亦練成了。

節儉在家人眼中，我應該還有大段距離，
「媽，你係咪好揮霍呀？」
「你從來都無慳過。」
根據六百萬是上車盤的理論，我應該一世也不可上車。

經常也說，有了自己的屋子，就可以變錄音室影樓之類的production house，
其實最大原因，莫過於拍拖時說過的話，
即使離開了，也要一拼實踐。

我想，除了有拖友以外，沒太多的辦法走出這陰霾。

但今天得到的權力與錢財，難保明天也可繼續擁有。

 當每人只講佢自己有幾威水有幾幫人有幾咁仗義，
我只會講自己有幾差。

以前無咁極端，我係一個卑鄙小人，
為住生活，為左啖氣可以做出好多不人道行為，
行動嘅唔駛我搞，但係我都做得比較撤底，
成日比人查牌，不如直接拉我啦。

犯法只係無斷正而唔捉我，
雖不算熟悉，但關於少許法例嘢都讀過下，
簡單啲講每人每日都犯緊法，包括法官，
有錢並不足夠，係要好有錢就唔犯法，
未去到洗橫手打甩，而係有錢去買起啲嘢就唔犯法，
有錢買起條路變私家路，點泊車都得。

世界上官商勾結一直存在，唔係失衡嘅話，根本唔需要打擊，
識得有個人，佢話識教育局長，打個電話個仔就可以直接入名校，
又或者好多大老闆其實係京官出身，比中央調落黎，
之後唔想返上去，甚至好多地下設施圖則都唔交返去上面，
佢地自稱，立場反對右派，但更討厭左派。
勾結唔係問題，好大喜功呢嘢先係hihi中嘅霸者。

我想知，如果死後受審判會唔會話我邊日犯左邊條咁一路講落去，
例如係地鐵講粗口嗰類附例呢…

個人而言比較怕事，但迫住要做就狼過好多人，
呢一種極端，我覺得好可怕。
甚至感覺上同性格有衝突。

我好驚，
無左以前嘅熱血同魄力，
一遇到咩事，掟舊錢出黎就要咁多個收聲，
最怕，就係財大氣粗。

好需要有舊朋友支撐住，平衡返心理。
由於無拖拍，其實好多嘢都無得講出口，
都唔係話sd card壞左，閃光燈唔夠力咁小兒科。

我想生活得簡單啲。