射波睇醫生，真係好唔舒服，見個期得閒啲啲，快手睇完佢。

莫名奇妙地唔開心左大半日，唔知點解呢。

未來嘅日子，我諗會用智慧去換力量返黎，
用時間去換錢，埋沒自己嘅才藝，然後老，然後死。
當中會變，變為一個惡棍，或是極為蠢頓，
因為已經捨去智慧，永久損害阿…
力量都唔知會唔會換到返黎，竟然夠膽博。
無左啲智慧，hip hop會寫唔出，rap唔出，
或者會好啲呢，口不擇言可以改掉，
做一個昏庸上班族，咩夢都唔駛發。

夜晚一條冷去左睇戲，ayo，好睇，
我只嫌周迅同吳彥祖戲份唔夠多，好睇，真係好睇，
有好多精心鋪排，戲入面講到好多打斧頭，大至幾十億，小至幾十蚊，
而且係戲入面，我睇到我係現實生活中繼續做落去會變成點，
人心可以壞到咩地步，或者第時我睇返自己做過咩黎就知。

吳彥祖個角色同周迅飾演嘅寡婦，我覺得好親切。
或者係個造型令我著迷，吳彥祖個長髮攣毛黑框眼鏡，
加上係電腦人令我代入左變為自己，老實hack哂全港電腦我就無呢個能耐，
一兩部都仲ok嘅，但而家router愈黎愈強，要入有一定難度。
多數自己hack自己，唔記得密碼大費周章其實幾白痴，如果唔係駛乜搞咁多。
當識得用電腦，呢個世界就無私隱，
近來讀緊私隱條例，有班人就高舉人權混淆視聽。
其實只要係office hour，要知住邊係邊電話身份證之類嘅資料，
比hack入人部機更易，而且合法。

周迅係戲入面講廣東話，講得歪歪地，就好似瑤瑤咁，
瑤瑤把聲更嗲更柔，成套戲入面，我好鍾意睇佢地兩個做對手戲，
真係好似自己同瑤瑤講緊嘢咁。所演嘅強氣，亦同瑤瑤似到不得了。
 

 兩日假期，let's report duty，
終於可以放低痴膠花般嘅工作，
重投私人空間，
我真係好鍾意從事有關藝術創作，
但係，我似乎無多餘體力去搞。

單單係畫一幅畫，已經消耗左我大半體力，
因為唔係好似以前咁成日畫，
而家要諗明灰暗位，好似比工作更費神。

巴達克，悟空之父，即使睇劇場版，OVA都淨係得半身，
全身嘅話就好細粒，好核突，
於是將佢補完，好攰。
同工作區別在於，啲畫我唔畫，一世都畫唔出，
無人幫我做，有人幫都會無嗰種成功感，
畫技，應該可以鍛鍊有更多耐性，
鳥山先生當年點樣每日瞓三個鐘日日畫，仲要畫得咁快，
我畫一幅已經要收皮了。

當然畫到唔知時間，半夜四點幾到，
再係床上碌兩粒鐘，因為知道第日唔駛返工，
天光先黎瞓。
無嘅，都係掛住啲人咁囉，
一個就…得個女同事同佢似樣，
咁照道理我無理由個心要諗住同事阿…
另一個就…周迅囉…。
PK，醒左之後就係咁搵周迅啲戲，
有啲表情似嘅就抄低戲入面個時間，睇哂就playback嗰啲表情，
痴孖筋，咁樣會唔會太毒，就咁，兩個鐘嘅戲我睇左五粒鐘。

死火喇，仲有個周刊封面同commercial要起貨，掛住FF女朋友，
聽晚又要返學，今鋪又要爆肺完成，我諗我條命仔凍過水。

咳左半年有多，到底會幾時好返呢哥仔…

無命還無命，我相信我嘅思念，
或說是特技，將幻想實體化皆為專長所在。
既然身為父親可以有化不可能為可能呢個function，
我就更可以將無可能變為一定做到。