或者，我係工程界尋不著任何成功感，
做事總係令人失望，係性格所致還是態度問題，
我知衰，日日返工都遲到，每當提早起身返工總係遲，
明知世界盃開幕戰知死都無睇，放學之後返屋企就瞓，
再早半粒鐘出門都係咁，不如係公司紮營算。
 


一條公路連續出現三單相距幾百米嘅車禍，幾早都無用啦。
的士前後都凹到飛起，唔知條命點呢。

我只知我命不久矣，
經常叫阿爸炒左我，始終由個老竇出手會比較好。
廢掉所有嫌隙，去除一切是非，
歸回為住夢去廢寢忘食咳到爆炸胃潰陽嗰個我。

老實講，一遇到極大壓力我都會搵一個人，
每次得到鼓勵，都會將之前天跌落黎嘅事一概當被冚，
我最信呢個人，我相信佢最明白我。
可能只係以為，但係已經足夠。

我以為靠努力，回報一定多，結果未能如願；
我以為用盡所有誠意，終有一日可以令所有感動變為心動；
我以為唔會係教會裡面落手，結果係街識左個唔係信耶穌嘅女仔；
我以為持續灰機，就唔會鍾意第二個，
結果有幾個女仔追之餘有一個仲不停扶我；
我以為嗰個嘅合拍程度可以廝守，結果比戲劇更荒謬；
我以為分左手當發場夢就算，奈何每晚凍一凍就有住講唔出嘅痛纏繞住。

dont know，我知道上帝會有個更好嘅道路開比我，
只係我唔多想要更好，只想要返想要嘅。

好多朋友聽我講少少嘢，就覺得係咪電影情節，
就想攞我由細到大嘅經歷攞少少黎做題材，
可能，係我形容得動聽呢。
每次搵親人入組拍嘢成功率都有一半，
我唔知我把口可以咁犀利啫，
因為聽top sales朋友講，成功率有兩成已經好成功。

唔知係咪變左，將以往嘅變做關愛。
我知道我做事好多時半桶水唔上心無承擔力，
但係我將會有齊一個猛人要有齊嘅條件，為左將來嘅家室，目標。
既然有條難行嘅電影同說唱家路，唯有成長囉。

只望我唔好變得太多，失去原本瘋狂嘅味道，
歌曲就唔會有好聽嘅鋪排，全部都變得差唔多音。


 

 睇完醫生，爆肺久咳好似醫好左，
之後有另一病症…胃痛。
唔算嚴重，間唔中輕整抽住有些少分心，
都無咩特別。
之前試過一次胃痛，話說係失戀後第二朝，
之後都無再有，直到今次。

近排瞓唔著最多係咳到痴筋，就黎咳到有腹肌。
連續咳足幾個鐘咳到天光之類嘅失眠，之類。

每日都好多嘢搞，一停嗰陣就通常大病，
well well，睇下幾時中風心臓病。
愛情呢回事似乎唔多關我事，守候呢樣嘢多數都係鬥長命，
似乎無呢個耐性，日日咁粗用自己。
誠然我唔可以比自己所學嘅技術下滑，所以休息其實一直都唔夠。
買唔起樓，又看似係有錢無命享嗰班人。

再話說，今日又剪嗰段令人費神摸不著頭腦，同腦海嘅畫面出入極大嘅片，
發現：

事先聲明：左邊嗰張係我影嘅，右邊唔係。
「wadiu！」心入面立即出現呢句，而家先發現，即係咩意思？
拍嘢影嗰陣去左買野飲比隊員，無耐前收到全身相，
今日再剪下添，hihi玩啲咁嘢。
仲特登用左邊幅相做部機個wallpaper去match返部機身隻色，
我頂，而家咁叫我點揀點剪，
喂玩skill玩抒情但故事主角並唔係瑤瑤囉好無。
故事個藍圖唔係咁架，我的媽呀。
有啲矛盾，又想個成果出黎超好睇，又想唔好咁受歡迎比瑤瑤睇到。

瑤瑤嗰陣成日都會著呢件褸同群丫，
而家先察覺阿yo著到咁…真係唔知講咩好，
係要等我唔用自己畫嗰啲畫，
心血來潮用啲相黎做wallpaper先係段片發現，
那星，是咪要搞到情緒波動到要練成波動拲先sosad

男同女唔同丫，男嘅多數念念不忘欲斷難斷，女嘅可以話斬就斬全不念舊，
瑤瑤或者會嘅，當佢個初戀男朋友傷到佢痛無完膚之後。
或者我自己狠到直頭變狠樣，對女性呢個範疇完全係零。

明知返唔到轉頭，又唔識向前走，嗰款廢柴。

自己又起左手至少五幅畫草圖、一份commercial、一份封面、一段片做緊，
雖然自己嗰啲可以拖下添，出面接嗰啲就急囉，雖然做左通常都拖糧或者要改，
至怕無左種mood同唔記得原意想點，做哂嗰陣都已經係明日世界終結時。