一如以往，考試結果都係要補考，不太意外亦不感到激動。
反而更趁機話做唔黎，唔想讀，唔想做安全官。
我一直諗緊可以幾時唔做，唔再掂，
除左犯法之外，因為要熟悉法律，有啲嘢唔想孭飛，
教會班人嘅言詞都唔好得幾多，
聽到我唔想做呢句就句句都有骨咁濟，
或者係覺得我身在福中不知福，朝廷有人好辦事之類。

其實遽信呢個動作唔難，
問題在於背後所牽連，加重各同事工作量，允其上司，
而老頂就係我家父上。家族名聲好緊要，對於夜晚仲要返工嘅人黎講，
返早我覺得已經好比面。

有說可以hea做，咁嘅，一方面講情況特殊，
另一方面就安排我去個最惡哽嘅site我。
我話唔想做，比人串比人白眼都一路保持禮貌，
長輩對後輩，教會弟兄姊妹，噢，
你阿媽生你咁多年都咁無口德，信左耶穌都無改善，噢。

唔講呢啲嘢呻嘞，趕工完成
 
17&18號，想畫好耐，今日終於完成
或者會再改良，但係機會唔大，我夠話會繼續畫隻broly，結果又係hold左兩年。

另外為堂會靈修書刊設計logo，帆船於大海航行，
鑽石型七彩色，喻意需要打磨歷練，以及方舟故事彩虹約定。
又係自把自為之作。
不過有咁多解釋…都係似 

game入面啲石……
利申，有玩長掛70lv A武強運女

又或者似google play 個icon
同埋個人八達通lol

 

我好想可以做到率直坦誠唔後悔，
其中率直比人當戇直，誠實誠到個地步比人感覺虛假，

至於後悔，唔鍾意人就應該唔會有，
當鍾意左個唔應該鍾意嘅人，咁啱佢又啱啱同第二個拍拖，
係度諗緊到底係咩一回事，自己咁耐都唔進攻。

好憎後悔，今次就有些少遺憾。

唔需要有太深入了解我嘅人，呢個位留返比未來老婆。

而呢個問題，我可以幾時有女朋友，係一個謎，
唔識啲咩浪漫，淨係對興趣感興趣又點會追到女仔，
何況，我個頭。
只會係同上帝立約有抵觸先剪光，或者一年大修一次，
我對上帝所比我有咁獨特嘅職分，會一直探討。
而且恐怕嚴守到，無女埋身，我呀…對獨身零興趣。