so

呢幾日整左個cornrow頭，兩個禮拜頭，
甩左好多頭髮lol

好，正經，
之前上演由佔中演變成遮打運動，
注意我用個term係運動，簡單黎講係想改變選舉制度，
革命就要死人要推翻政權，
做乜嘢都好，都叫有得揀，偏偏特首係好係差都無得揀。

同樣地，因為無轉黃絲打比人覺得我反佔中，
無出去集會覺得我無義氣狂片我，
我唔通同佢地講我做緊乜嘢，多數都用放唔低份工為借口，
打網絡戰又無嘅，食花生通風報信就有，
畢竟唔敢亂黎，即使有跳板，
何況變稱為收買佬嘅IT組扣押，即使有扣押費收返，我都唔制。
而且近來出現左個亞洲版嘅hacker page，我更無表明我有參與啦當然，
但係我肯定，係邊個係度做緊嘢，一條友打廿萬解放軍，何等勇猛。

另外十分沙朴地約左個其實唔識嘅女仔做練習對手

老實，
靚唔係話好靚，
or其實真人唔差，但係好似好難影得好，認真。
就算以一輯計，都另寡人相當頭痕唔知揀邊張，
原先想tag人名，再引佢班鍾意上鏡嘅朋友出現，
有返啲freelance都好阿…真係窮到得人驚。
點知upload左上網就似乎變左係錯嘅決定，估唔到咁大回響，痴筋。
只能捉蟲地用PS盡執啦。

又或者，我會影響到我鍾意嗰個女仔嘅睇法，不過呢，
唔理啦，唔擺都擺左，睇下遲下點先算，世事呢啲嘢好奇妙嘅。

又唔可以話係所有嘢，可以講係我發現啦，
發現好多事想做嘅都會做到，
但係唔會係大路、正統、正途或任何正常途徑中事成。

或者，呢個同十七歲個禱告得出黎係影響，係結論，
係乜都好，反正到而家仲實行緊。
留長髮唔飲酒不可靠緊屍體，有咩我係仲守緊，我知道。
此等叛逆仍然守住，呢個約，好難守。

有人話「拿咩細耳人丫？你當自己參孫咩？」
好多人一提起拿細耳人，就諗起地上最強但最反骨嘅參孫，
咁佢唔甘心承擔起國家同個職份，係佢嘅事，
忘卻仲有一位相當出名嘅先知撒母耳，
同樣都係拿細耳人丫又唔提。

或者係弟兄姊妹眼中，我有如參孫般唔聽教。

我睇我自己，好守上帝為我特定嘅規條並立願，
當犯左或重新立願就變光頭。
因為我唔想反口，更想將許下嘅承諾一一做到，
身為男人，講得出要做得到。
曾經話過，當下次拍拖再遇到一樣嘅事而分手，即刻紋身。
所以遇到夾嘅，有得壓制就壓住先，
但係，我並唔想獨身，我想拍拖結婚，
因為可以有人管，又會甘心去聽教，自己唔敢太癲。
可以一齊睇日出日落數星星煮飯洗衫鬧交行街，
我好想，下一個就可以結婚過人世。

我知我好極端，甚至會不惜犯禁。
從前追左十幾年都追唔到手，唔打算再追，反而做返對好要好嘅朋友，
另一方面，我近排鍾意左個朋友，我好內疚，
其實並唔係無能力養人，係我之前對人好似好差。
當然，我而家好想得到手，我知道需要承受嘅壓力有幾大。
但係，我真係好想到手，至起碼，做人嘅目標同動力都大啲。