好開心，每次失落、有難處、走投無路時都會搵嘅一個人，
都略為傾過下，雖然無以前咁易滿足或是緊張到噗噗跳，
即使係hea答，我都覺得足夠。
若然係讚我，我會覺得係朋友費事踩咁盡先讚，
又或者彈我，又會覺得係做得唔好，
乜都唔答係默默支持，或者好似對上兩句咁，講乜都死，
換轉我係佢，我都頭痕，「條HiHi又黎煩我喇…」我會咁諗。
我發覺世事好奇妙。
本來成家親戚話想跟阿爸做，阿爸都用唔同方法拒絕，
唯獨係我下巴輕輕打緊機嗰時講，第二日就帶住數不盡嘅無奈入職。
之後繼續做想做嘅事，13年尾拍片，再籌組拖到2月尾拍完，
一路剪一路改改到8月，中間亦有開拍其他，
之後因為巧合，原本要返星期三五嘅我比大學調左班，
重遇返IVE個師兄，之前完成左個48小時嘅拍片比賽，就咁。
本來搵嘅演員辭演，後來係組員介紹下有另一小演員，
而嗰位組員竟然同我上一條片嘅原文作者係同事，
另有pair演父母角色，竟然係屋主男朋友嘅朋友，
大家預先都唔知，屋主更係我中學同學，轉眼間已一別十年。
當然仲有唔少巧合，數唔哂咁多。
近來鍾意左個女仔，應唔應該話係鍾意，唔識講，
係情緒極低落嗰陣嘅扶持而觸電，我十分唔想個感覺係真，
我試過一次，well，仲要比dream girl追嗰下我都可以忍到半年，
而呢一個，我希望忍得幾耐得幾耐，連個感覺都無埋就最好。
我覺得，鍾意呢個女仔嘅話，係真嘅話，以處境黎講，
我會危險過鍾意個敵人，甚至佢接觸開嘅人，有啲一向都有介蒂，
對於含冤受屈嗰隻硬食，有時無乜嘢，有時想爆。
係想拍拖，同時亦怕拍拖，
除左聽人廢蹹等幾年以外，更對自己落左個白痴承諾，
如果下次再係同樣情況而分手，將我畫嗰條錦鯉上背，
全個背脊上埋色，無三萬都走唔甩。
唔紋就根據拿細耳人規條剷光個頭佢。
或者會覺得我傻仔，做咁多嘢，
都只係想做個守信嘅人（除左講粗口嗰時），
由帶張相返工開始，我已經下定決心，
如果想追返瑤瑤，幾年後見嘅話，
總要有些少成果等佢大跌眼鏡都好呀。
所以會好睇重錢，想對落有更多人用，
唔想輕易開展另一段感情，唔想嘥無謂錢，
與其咁講，不如直接話放唔低比較貼切。
紋身呢，我衡量過有咩風險，或者係行業所影響要寫評估，
由紋緊到出街都諗得相當細密。
無呀，早幾日自爆左，以免泥足深陷，
我覺得呢個斬纜方法唔錯。
或者以後見到面會有防備面阻阻之類。
但係我唔係好想呢啲感情嘢會阻我實踐夢想。
| 
