頭盔，這不是女朋友，係借人地女朋友用，
當然，我亦比人男朋友喪hi，since早前諗住情人節晏晝影，
咁我又無拖拍，咁啱得嗰日有假，我都問左好多次「你真係ok?」
結果褪到初三，原圖隻色就咁，facebook版更可以突顯到佢咁cool嘅格，
主角又話平時有人約都唔影，好驚鏡頭，結果一個cool到嘔電嘅情況下影到咁，
有黃金比例有對比有對脾有樣，齊喇呱。
技術生疏就梗嘅…
我好想搵啲唔多熟嘅人影，我覺得咁樣會影到佢地嘅純粹，最真最靚嗰面。
咁當然，事前都要溝通嘅，更唔會要求啲model著得暴露，無謂咁益我啦吓話，
想試下影男model或兩個一齊，我覺得高難度好多，都係影左女仔先，
黎來黎去都係嗰type，加落CV呀。
及後講下初一拜年，B頭真係好醒，一講影相就擺pose笑，
或者幾經叔叔訓練，唔怕叔叔影相，仲會一見到拎住部大嘢就主動要求。
再講下早兩日禮拜六，
公司有工傷，一死，
由開國以黎第一次有人死，但今次衰在借牌比人，成個名臭哂lu，
仲要係2015年第一單，老實講，見到阿爸嬲到唔出聲我都好擔心，
工人無一個係抵死，呢啲咁嘅意外，一單都嫌多。
黎緊同政府關係好緊張，必定會係咁掃場，
新年假積埋一堆嘢做，月尾又要交report再整單咁嘢，咩都唔想玩。
出年應該無bonus無獎抽啦，賠筆錢應該好大。
講埋今日，生日快樂，年年都講，
約法三章唔准食薯條，由拍拖開始食到而家，
仲要一叫親就加多盒拼盤，
其二，早啲瞓，唔敢話每日都無，
係極唔舒服先會早瞓，或者實在太多嘢要等我去做。
最後，係保持聯絡，好似淨係得返呢樣，
不過喇喎，心照啦吓。
無嘅，我都會諗做男朋友嘅會唔高興，所以都唔叫搵得密，
更何況就好似自動請辭嘅太子咁，就算無心爭都會視為有戰鬥力，
我話唔再追，係咁就係咁，
以前都仲話有得反口，而家出黎做大嘅，
一言一行都有人睇住，揪秤就煩。
何況呢，搵同自己相近嘅女仔唔好咩？曾經遇到一個，
我諗呀，奠定以後搵女朋友嘅根基，不過…似乎質素太高喇，
有無下一個真係講唔埋。 | 
