是咁的，早前柏詠有show，仗義幫忙，就發現自己對舞台完全感到陌生，
以一般活動影法去影，前半部真係影條鐵，好差。
當然後面開始攰亦影得麻麻地，係叫中段見得下人。
20號影完，今日都未出到，只去到3分1，咁個質素再比平時大3倍…
柏詠個show 完左之後兩日，就約左個model姐姐影相，
係街見到啱擺入去個project度，就膽粗粗沖埋去問人拎電話，
亦好感謝，各位認同我先幫我。
同埋小姐識得阿yo……痴線世界細到咁。
呢張相一枝燈打埋牆實險，單燈都影得唔錯。
跟住呢張係小姐挑選出黎，佢覺得幾靚，
不過我個人就鍾意上面嗰張多啲。
而家呢張相曬左出黎擺曬相鋪做display，咁做我覺得好癲好夠薑。
我希望除左可以貼好多好多相係相鋪之外，
更可以有個簡介，有個故仔去講述個性，我相信我影落�H小姐們，
可協助我向社會宣揚，其實唔一定要暴露，甚至唔一定要美若天仙都可以好吸引，
不是說樣唔靚就讚佢有氣質，而係嗰一刻，佢似係同你講緊嘢嗰種；
穩打穩紮影得死板反差唔會咁大，起碼叫唔死得先，
藝術呢啲嘢好主觀，所以要用大量�H相去引證，
有啲咩共通點，去引發到底想表達乜嘢。
攝影呢回事，總要揀一個範疇專精去練，
可以影羽毛球、影活動、少女人像、小朋友，呢幾樣會叫做專門，
影其他唔係唔得，不過好似醫生咁，唔係專科。
甚至對於攝影我會諗到有啲說話會成日擺係嘴邊
「靚唔夠架，要有故事」
「黑白影�H係靈魂同內心，彩色係影氣氛」
諸如此類。
儲蓄用左好多，未免太重。
係我野心太大，近呢一年無出片，總有嘢搞緊，
又或者係，就算無人backup, one man band again都要去完成， | 
